Google دەرەكتەرىنىڭ اعۋى 2,5 ميلليارد Gmail قولدانۋشىلارىنا فيشينگ قاۋپىمەن بايلانىستى قر باس پروكۋراتۋراسى مالىمدەمە جاسادى...

قوعامدىق قاۋىپسىزدىك پەن قىلمىستىق قاتەرلەردى بولجاۋ ورتالىعى مەن باس پروكۋراتۋرانىڭ قۇقىقتىق ستاتيستيكا جانە ارنايى ەسەپ كوميتەتى الەمدىك ينتەرنەت كەڭىستىگىن باقىلاۋ بارىسىندا Google دەرەكتەر بازاسىن بۇزۋ فاكتىسىنىڭ انىقتالعانىن جانە بۇل جاعداي Gmail قولدانۋشىلارىنىڭ دەرەكتەرىنىڭ اعۋىمەن بايلانىستى ەكەنىن حابارلادى.

ۇيىمداستىرۋشى ShinyHunters حاكەرلىك توبى 2,5 ميللياردقا دەيىنگى اكاۋنتقا قاتىستى بايلانىس دەرەك كوزدەرىنە قول جەتكىزگەن، بىراق پارولداردىڭ وزدەرى تىكەلەي ۇرلانباعان.

شابۋىل الەۋمەتتىك ينجەنەريا ارقىلى جۇزەگە اسقان: الاياقتار Google قىزمەتكەرىن الداپ، IT-جابدىققا قول جەتكىزۋگە ماجبۇرلەگەن جانە Salesforce Data Loader قوسىمشاسىن زاڭسىز پايدالانعان.

بۇل دەرەكتەردى قولدانا وتىرىپ، قىلمىسكەرلەر Google اتىنان قوڭىراۋ شالىپ، جالعان حابارلامالار تاراتىپ، قولدانۋشىلاردان Gmail ءپارولىن قالپىنا كەلتىرۋدى تالاپ ەتكەن. وسىلايشا ولار كودتار مەن قۇپياسوزدەردى نەمەسە اككاۋنتتارعا قولجەتىمدىلىكتى يەمدەنگەن.

قاۋىپسىزدىك ءۇشىن ۇسىنىلاتىن شارالار:

1. قۇپياسوزدى بىردەن اۋىستىرۋ، اسىرەسە قاراپايىم نەمەسە قايتالاناتىندارىن.
2. ەكى فاكتورلى اۋتەنتيفيكاتسيانى قوسۋ نەمەسە زاماناۋي قورعاۋ تاسىلدەرىن (بيومەتريا، PIN) پايدالانۋ.
3. Google اتىنان دەپ كەلەتىن قوڭىراۋلار مەن حاتتارعا سەنبەۋ — ون شاقتى جاعدايدىڭ توعىزىندا بۇل الاياقتىق بولىپ شىعادى.
4. قولدانبالار مەن قوسىلىمداردى باقىلاپ، ارتىق رۇقساتتاردى شەكتەۋ.

بۇل وقيعا ءتىپتى جارتىلاي جاريالانعان دەرەكتەردىڭ ءوزى كەڭ اۋقىمدى الاياقتىق سىزبالاردىڭ نەگىزىنە اينالا الاتىنىن كورسەتەدى. سوندىقتان قولدانۋشىلار مەن ۇيىمدار قاۋىپسىزدىك شارالارىن دەر كەزىندە قابىلداپ، اككاۋنتتارىن ۇنەمى تەكسەرىپ تۇرۋى قاجەت، بۇل دەرەكتەردىڭ ۇرلانۋىن نەمەسە قاسكۇنەمدەردىڭ قولىنا ءتۇسۋىن بولدىرماۋعا مۇمكىندىك بەرەدى.

Abai.kz