پوليتسيا قىزمەتكەرلەرى ينتەرنەت-الاياقتاردىڭ نىسانىنا اۆتوكولىك يەلەرى ىلىگە باستاعاندىعى تۋرالى ەسكەرتتى. 

كەيىنگى ۋاقىتتا ءتۇرلى ەلدەردە جول قوزعالىسى ەرەجەسىن بۇزعانى ءۇشىن جالعان ايىپپۇلدار جىبەرۋگە بايلانىستى ينتەرنەت-الاياقتىقتىڭ جاڭا ءتۇرى تىركەلىپ وتىر.

قاسكويلەر اۆتوكولىك يەلەرىنە ەلەكتروندىق پوشتا نەمەسە مەسسەندجەرلەر ارقىلى حاتتار مەن حابارلامالار جىبەرەدى. وندا جۇرگىزۋشىنىڭ جەكە دەرەكتەرى، كولىك ءنومىرى جانە "ايىپپۇلدى تولەۋگە ارنالعان" سىلتەمە كورسەتىلەدى. الايدا بۇل – فيشينگتىك شابۋىل. ەگەر ادام بانك كارتاسىنىڭ دەرەكتەرىن ەنگىزسە، الاياقتار ونىڭ ەسەپشوتىنا قول جەتكىزەدى. كەي جاعدايلاردا سىلتەمەلەر ارقىلى جەكە دەرەكتەردى ۇرلايتىن ۆيرۋستار دا تارالادى. مۇنداي شابۋىلدار اقش پەن رەسەيدە تىركەلگەن، ال ەندى ولاردىڭ قازاقستاندا تارالۋ قاۋپى بار، – دەدى الماتى قالاسى پد كيبەرقىلمىسقا قارسى كۇرەس باسقارماسىنىڭ باستىعى انەس قالدىباەۆ.

پوليتسيا ەسكە سالادى: رەسمي ايىپپۇل تۋرالى حابارلامالار تەك 1414 قىسقا نومىرىنەن كەلەدى جانە ەشقاشان تولەم جاساۋعا ارنالعان سىلتەمەلەردى قامتىمايدى.

Abai.kz