ارمەنيا پرەمەر-ءمينيسترى نيكول پاشينيان ارمەنيا مەن ازەربايجان اراسىنداعى كولىك جولدارىن قايتا اشۋعا باعىتتالعان كەلىسىمدەرگە قازاقستاننىڭ ەلەۋلى ۇلەس قوسقانىن اتاپ ءوتتى.

ول بۇل تۋرالى تبيليسيدە وتكەن V «جىبەك جولى» فورۋمىندا مالىمدەدى.

تبيليسيدە وتكەن V "جىبەك جولى" فورۋمىندا سويلەگەن سوزىندە پاشينيان ازەربايجاننىڭ ءوز اۋماعى ارقىلى ارمەنيا باعىتىنداعى جۇك ترانزيتىنە قويىلعان شەكتەۋلەردى الىپ تاستاۋ شەشىمىن ءتۇسىندىردى.

«كەشە يلحام اليەۆ ازەربايجان ارمەنيا باعىتىنداعى جۇك ترانزيتىنە قويىلعان شەكتەۋلەردى الىپ تاستايتىنىن مالىمدەدى. بۇل اسا ماڭىزدى مالىمدەمە جانە مەن ازەربايجان پرەزيدەنتىنە بۇل قادام ءۇشىن ريزاشىلىعىمدى بىلدىرەمىن. سونداي-اق وسى كەلىسىمگە قول جەتكىزۋدە اتقارعان ءرولى ءۇشىن قازاقستان پرەزيدەنتىنە جانە گرۋزيا پرەمەر-مينيسترىنە العىس ايتقىم كەلەد»ءى، - دەدى ارمەنيا ۇكىمەتىنىڭ باسشىسى.

ەسكە سالا كەتسەك، بۇعان دەيىن ازەربايجان پرەزيدەنتى يلحام اليەۆ ارمەنيا باعىتىنداعى ترانزيتكە قويىلعان شەكتەۋلەردى الىپ تاستاۋ تۋرالى شەشىم قابىلداعانىن مالىمدەگەن بولاتىن. بۇل شەشىم وڭتۇستىك كاۆكاز ەلدەرى اراسىنداعى كولىك دالىزدەرىن اشۋ جانە ءوزارا سەنىمدى نىعايتۋ جونىندەگى وڭىرلىك كۇش-جىگەردىڭ ماڭىزدى قادامى رەتىندە باعالانىپ وتىر.

Abai.kz