2026 جىلدىڭ 1 قاڭتارىنان باستاپ قازاقستاندا زەينەتاقى مەن بىرقاتار الەۋمەتتىك تولەمدەر مولشەرى ۇلعايتىلادى، دەپ حابارلايدى BAQ.KZ ءتىلشىسى.

قازىر سەناتتىڭ قاراۋىندا “2026-2028 جىلدارعا ارنالعان رەسپۋبليكالىق بيۋدجەت تۋرالى” زاڭ بار.

قۇجاتقا سايكەس، 2026 جىلعا ارنالعان كىرىستەر كولەمى – 22,8 ترلن تەڭگە، ال شىعىستار – 26,2 ترلن تەڭگە دەڭگەيىندە بەكىتىلگەن.

زاڭ بويىنشا 2026 جىلدىڭ 1 قاڭتارىنان باستاپ الەۋمەتتىك تولەمدەرگە كەلەسى كورسەتكىشتەر بەلگىلەنەدى:

• ەڭ تومەنگى جالاقى – 85 000 تەڭگە;
• مەملەكەتتىك بازالىق زەينەتاقى تولەمىنىڭ ەڭ تومەنگى مولشەرى – 35 596 تەڭگە;
• ەڭ تومەنگى زەينەتاقى مولشەرى – 69 049 تەڭگە;
• ايلىق ەسەپتىك كورسەتكىش (اەك) – 4 325 تەڭگە;
• ەڭ تومەنگى كۇنكورىس دەڭگەيى – 50 851 تەڭگە.

جاس بويىنشا جانە ەڭبەك سىڭىرگەن جىلدارى ءۇشىن تولەنەتىن زەينەتاقىلاردىڭ كولەمىن 2026 جىلدىڭ 1 قاڭتارىنان باستاپ 10 پايىزعا ارتتىرۋ كوزدەلەدى، دەلىنگەن قۇجاتتا.

2024 جىلعى 1 قازانىنداعى مالىمەت بويىنشا، قازاقستاندا 2,51 ميلليون زەينەتكەر بار. ورتاشا جيىنتىق زەينەتاقى كولەمى 142 810 تەڭگەنى قۇرايدى، ونىڭ ىشىندە ىنتىماقتى زەينەتاقىسى – 95 249 تەڭگە، بازالىق زەينەتاقى – 47 561 تەڭگە.

Abai.kz