تاشكەنت. KAZINFORM – بيىل قاڭتار-قىركۇيەك ايلارى ارالىعىندا وزبەكستاندا 5895 جول-كولىك وقيعاسى بولدى. بۇل تۋرالى سەناتتىڭ جالپى وتىرىسىندا بايانداما جاساعان قورعانىس جانە قاۋىپسىزدىك ماسەلەلەرى جونىندەگى كوميتەتتىڭ توراعاسى كۋتبيددين بۋرحانوۆ مالىمدەدى، دەپ حابارلايدى.

سەناتوردىڭ ايتۋىنشا، تىركەلگەن جول-كولىك اپاتتارىنان 1 303 ادام قازا تاۋىپ، 4 592 ادام زارداپ شەكتى. بۇل رەتتە 2024 جىلدىڭ سايكەس كەزەڭىمەن سالىستىرعاندا قايعىلى وقيعالار سانى 4,8%-عا ازايعان.

بۇعان دەيىن حابارلاعانىمىزداي، 10 رەت ەرەجە بۇزعان وزبەكستاندىقتار ەندى كولىك باسقارۋ قۇقىعىنان ايىرىلۋى مۇمكىن. بۇعان قوسا، وزبەكستاندا اۆتوبۋس جولاعىنا تۇسكەن كولىك جۇرگىزۋشىلەرىنە ايىپپۇل سالىنۋى مۇمكىن ەكەنىن جازىپ ەدىك.

بىلتىر ماس كۇيىندە كولىك باسقارعان 31,3 مىڭ وزبەكستاندىق اكىمشىلىك جاۋاپقا تارتىلدى. سونداي-اق، 2024 جىلى وزبەكستاندا جول اپاتىنان 2 مىڭنان استام ادام قازا تاپقان.

Abai.kz