قازاقستان ۋنيۆەرسيتەتتەرىندە 30 مىڭنان اسا شەتەلدىك ستۋدەنت ءبىلىم السا، وسى ستۋدەنتتەر ەسەبىنەن ەل ەكونوميكاسى 30 ملرد تەڭگەگە تولىقتى. بۇل -  تاريحي رەكورد.

بۇل جايىندا «ءتۇيىن» اقپاراتتىق-ساراپتامالىق باعدارلاماسىنىڭ جوعارى بىلىمدەگى رەفورمالار تاقىرىبىنا ارنالعان شىعارىلىمىندا ايتىلدى. سونداي-اق، وتاندىق 5 جوو Times Higher Education نۇسقاسى بويىنشا الەمنىڭ ۇزدىك وقۋ ورىندارىنىڭ تىزىمىنە ەنگەن. ەكى جىلدا قازاقستان الەمنىڭ 40-قا جۋىق جوو-مەن كەلىسىمشارت ورناتىپ، ەلىمىزدە 33-ءىنىڭ فيليالى اشىلدى.

باعدارلاما قوناعى، قر بجبم جوعارى جانە جوعارى وقۋ ورنىنان كەيىنگى ءبىلىم كوميتەتىنىڭ توراعاسى گۇلجان جاراسوۆا رەفورما ءبىلىم مازمۇنىن، ۋنيۆەرسيتەتتەردى باسقارۋ جۇيەسىن وزگەرتۋدى كوزدەيتىنىن ايتتى.

- ءبىلىم مازمۇنىنا قاتىستى ايتاتىن بولساق، قازىر يادرولىق تەحنولوگيا، كيبەرقاۋىپسىزدىك، جاساندى ينتەللەكت جانە كوپتەگەن باسقا دا جاھاندىق وزگەرىستەر جاڭا مازمۇندى قاجەت ەتەدى. بۇنىڭ بارلىعىن ءوزىمىزدىڭ جوعارى وقۋ ورىندارىمىز شەتەلدىك سەرىكتەستەرمەن بىرگە ەنگىزىپ جاتىر. سونىمەن قاتار، قازىر ۋنيۆەرسيتەتتەر وزدەرىنىڭ باسقارۋ قۇرىلىمىن دا جاڭعىرتۋدا. ديرەكتورلار كەڭەسى، بايقاۋ كەڭەستەرى بار. بۇل سالاعا دا وتاندىق جانە شەتەلدىك ساراپشىلار تارتىلىپ جاتىر. ەنداۋمەنت قورلار تۋرالى جاڭا زاڭ بيزنەستىڭ جوعارى ءبىلىمدى باسقارۋعا كەلۋىنە وڭ ىقپال ەتىپ جاتىر، - دەدى ول.

ياعني، بۇگىندە بيزنەس قاۋىمداستىق وكىلدەرى جوعارى وقۋ ورىندارىنا قاراجات قۇيۋ ارقىلى وزىنە قاجەتتى سالالاردا ساپالى كادر دايارلاۋعا ۇلەس قوسا الادى.

تولىق:

Abai.kz