2025 جىلى 10 ايدا قالانىڭ كوميۋنيتي ورتالىقتارىندا 2 مىڭنان استام ءىس-شارا وتكىزىلىپ، ولار 535 مىڭ ءجاسوسپىرىم مەن جاس ازاماتتى قامتىدى. بۇل تۋرالى الماتى قالاسىنىڭ جاستار ساياساتى باسقارماسى حابارلادى.

بۇگىندە اكىمدىكتىڭ جوبالىق كەڭسەسىنىڭ قولداۋىمەن قالانىڭ 11 كوميۋنيتي-ورتالىعى جۇمىس ىستەيدى. بۇل ورتالىقتاردا جاستارعا پسيحولوگيالىق جانە زاڭگەرلىك كومەك، جۇمىسقا ورنالاسۋ، كاسىبي باعدار جانە كاسىپكەرلىك بويىنشا كەڭەس بەرۋ قىزمەتتەرى تەگىن كورسەتىلەدى. سونداي-اق، ولار باستاماسى مەن جوباسىن دامىتۋ ءۇشىن كوۆوركينگ-ايماقتارىن پايدالانا الادى.

وسى كەزەڭ ىشىندە 16 مىڭنان استام جاس، اتاپ ايتساق، شامامەن 10 مىڭى جۇمىسقا ورنالاسۋ ماسەلەسى بويىنشا، 6 مىڭى پسيحولوگيالىق جانە قۇقىقتىق قولداۋ باعىتىندا كەڭەس العان. جىل سوڭىنا دەيىن تاعى بەس كوميۋنيتي ورتالىقتى ىسكە قوسۋ جوسپارلانعان.

(سۋرەت:ۇيىمداستىرۋشىلاردان الىندى)

بۇعان قوسا، قالا بويىنشا 100 دەمالىس ورتالىعى جۇمىس ىستەيدى، وندا جاستار شىعارماشىلىق جانە سپورتتىق ۇيىرمەگە، شەبەرحانا مەن سەكتسياعا قاتىسا الادى. جىل باسىنان بەرى جوسپارلانعان 20 نىساننىڭ 14-ىندە جاڭعىرتۋ جۇمىستارى اياقتالدى. قالعان ورتالىقتاردى جاڭارتۋ جىل سوڭىنا دەيىن تولىق اياقتالماق.

Abai.kz