Aitu ەكوجۇيەسى كۇندەلىكتى قولدانۋعا ارنالعان وتاندىق تسيفرلىق سەرۆيستەردى دامىتۋدى جالعاستىرۋدا. كولدەنەڭ اۋقىمداۋ ستراتەگياسىن ىسكە اسىرۋدىڭ ناتيجەسىندە 2025 جىلدىڭ قورىتىندىسى بويىنشا Aitu ەكوجۇيەسىنىڭ اي سايىنعى بەلسەندى پايدالانۋشىلارىنىڭ سانى 900 مىڭنان استى.

قاتىسۋ ديناميكاسى

سوڭعى التى ايداعى دەرەكتەر اۋديتوريا بەلسەندىلىگىنىڭ جوعارى ەكەنىن كورسەتەدى. ەكوجۇيە سەرۆيستەرىن كۇن سايىن 190 مىڭعا دەيىن ادام پايدالانادى. بۇل پلاتفورمانىڭ كۇندەلىكتى مىندەتتەردى شەشۋدەگى نەگىزگى قۇرالعا اينالعانىن دالەلدەيدى.

تەك وتكەن ايدىڭ وزىندە Aitu ارقىلى 2 ميلليوننان استام ماتىندىك حابارلاما جىبەرىلدى، 180 مىڭنان اسا مەديافايل (فوتو جانە ۆيدەو) جولداندى، حابارلامالارعا شامامەن 150 مىڭ رەاكتسيا قويىلدى، 24 مىڭنان استام اۋديو قوڭىراۋ جاسالدى، 21 مىڭ اۋديوحابارلاما جىبەرىلدى جانە چاتتاردا 6 500-دەن استام توپ قۇرىلدى.

AI2U جاساندى ينتەللەكت اسسيستەنتتەرى ەكوجۇيەدەگى ەڭ سۇرانىسقا يە قۇرالداردىڭ بىرىنە اينالۋدا. قازىرگى تاڭدا پايدالانۋشىلارعا قاجەتتىلىكتەردى تالداۋ نەگىزىندە قالىپتاستىرىلعان 18 باعىت قولجەتىمدى. قاڭتار ايىندا كەڭەس بەرۋشى اسسيستەنت، اۋدارماشى جانە شەت تىلدەرىن ۇيرەنۋگە ارنالعان كومەكشى ەڭ جوعارى قىزىعۋشىلىققا يە بولدى.

سونىمەن قاتار Aitu-داعى ارنالاردىڭ تانىمالدىعى ارتىپ كەلەدى - پايدالانۋشىلار ءوز مەدياپلاتفورمالارىن بەلسەندى تۇردە ىسكە قوسۋدا. كونتەنت بارعان سايىن جەرگىلىكتى سيپات الىپ وتىر: قازاقستاندىق كۇن تارتىبىنە، جاڭالىقتارعا، قوعامدىق ءومىر مەن سپورتقا ارنالعان ارنالار سانى وسۋدە. بۇگىندە پلاتفورماداعى ارنالاردىڭ جالپى سانى 42 000-نان استى.

ءبىرتۇتاس تەحنولوگيالىق قۋات

بۇگىندە ءبىزدىڭ ەكوجۇيە - بۇل تەك Aitu SuperApp قانا ەمەس، سونىمەن قاتار جەتەكشى سەرىكتەس سەرۆيستەر دامىپ جاتقان سەنىمدى ءارى قورعالعان وتاندىق پلاتفورما. بىرىڭعاي قاۋىپسىزدىك ارحيتەكتۋراسى مەن تەحنولوگيالىق نەگىز ءارتۇرلى باعىتتاعى پايدالانۋشىلار مەن اۋديتورياعا قىزمەت كورسەتۋگە مۇمكىندىك بەرەدى:

Aitu SuperApp - اي سايىن 500 مىڭنان استام بەلسەندى پايدالانۋشىسى (MAU) بار فلاگماندىق قوسىمشا.

Telecom.kz («قازاقتەلەكوم» اق) Aitu تسيفرلىق پلاتفورماسى نەگىزىندە - تەلەكوم-سەرىكتەسكە ارنالعان مامانداندىرىلعان شەشىم، ىسكە قوسىلعان ساتتەن بەرى تۇراقتى ءوسىم كورسەتىپ كەلەدى.

Platonus Aitu تسيفرلىق پلاتفورماسى نەگىزىندە - جوعارى وقۋ ورىندارى مەن كوللەدجدەرگە ارنالعان ءبىلىم بەرۋ باعىتى، ونداعان مىڭ ستۋدەنتتى تسيفرلىق ورتاعا بىرىكتىرەدى.

ءوسۋ ستراتەگياسى جانە جاڭا كوكجيەكتەر

2026 جىل Aitu-دىڭ ودان ءارى دامۋى ءۇشىن ماڭىزدى كەزەڭ بولماق. ءبىز نارىقتاعى ءىرى ويىنشىلارمەن تەرەڭ ينتەگراتسيا ارقىلى ەكوجۇيە اياسىن كەڭەيتۋدى جالعاستىرامىز. جاقىن جوسپارلاردا - Aitu تەحنولوگيالارى نەگىزىندە مەملەكەتتىك تسيفرلىق پلاتفورمالار مەن ءىرى بايلانىس وپەراتورلارى ءۇشىن ۇقساس ستراتەگيالىق ارىپتەستىك مودەلدەرىن ىسكە قوسۋ بار. بۇل Aitu-دى اۋقىمدى تسيفرلىق سەرۆيستەر مەن ينفراقۇرىلىمدىق شەشىمدەردى قۇرۋ جانە دامىتۋعا ارنالعان امبەباپ «قوزعالتقىشقا» اينالدىرادى.

«ءبىز ءبىلىم بەرۋ پلاتفورمالارىنان باستاپ مەملەكەتتىك سەرۆيستەرگە دەيىن كەز كەلگەن اۋقىمداعى مىندەتتەرگە وڭاي بەيىمدەلەتىن يكەمدى ءارى قاۋىپسىز ورتا قۇردىق. بەلسەندى پايدالانۋشىلار سانىنىڭ ميلليونعا جۋىقتاۋى - اۋقىمداۋ ستراتەگيامىزدىڭ نارىقتان وزىق جۇمىس ىستەپ جاتقانىن كورسەتەدى»، - دەيدى Aitu ازىرلەۋشىسى BTS Digital كومپانياسىنىڭ وكىلدەرى.

Aitu مۋلتيپلاتفورمالىق قولجەتىمدىلىكتى دامىتۋدى جانە AI-اسسيستەنتتەر مەن مەديا-سەرۆيستەردى قوسا العاندا، وزىق قۇرالداردى ەنگىزۋدى جالعاستىرۋدا. بۇل ميلليونداعان ادامنىڭ تسيفرلىق ءومىرىن جەڭىلدەتىپ، ءتيىمدى ەتە تۇسەدى.

Abai.kz