قۇجات كوپشىلىك تالقىلاۋعا ۇسىنىلدى. 

ىشكى ىستەر مينيسترلىگى قازاقستان مەن تۇرىكمەنستان ۇكىمەتتەرى اراسىنداعى كوشى-قون سالاسىنداعى ىنتىماقتاستىق تۋرالى كەلىسىمدى راتيفيكاتسيالاۋ تۋرالى زاڭ جوباسىن ازىرلەدى. 

قۇجات "اشىق نقا" پورتالىندا جاريالاندى. زاڭ جوباسى  "قازاقستان رەسپۋبليكاسىنىڭ حالىقارالىق شارتتارى تۋرالى" زاڭنىڭ 5, 11, 13, 14 باپتارىنا جانە "حالىقتىڭ كوشى-قونى تۋرالى" زاڭنىڭ 1 باپتىڭ 13-5) تارماقشاسىنا سايكەس ازىرلەنگەن.

"كەلىسىمدى راتيفيكاتسيالاۋ كوشى-قون سالاسىنداعى اقپاراتپەن الماسۋ، سونىمەن قاتار قوس ازاماتتىققا جانە زاڭسىز كوشى-قونعا قارسى كۇرەس جۇرگىزۋدە ىنتىماقتاستىعىن نىعايتۋ سالاسىندا قولايلى جاعدايلار جاسايدى. كەلىسىمنىڭ ماقساتى – كوشى-قون سالاسىنداعى اقپاراتپەن الماسۋ، سونىمەن قاتار قوس ازاماتتىققا جانە زاڭسىز كوشى-قونعا قارسى كۇرەس جۇرگىزۋدە ىنتىماقتاستىقتى نىعايتۋ", – دەلىنگەن حابارلامادا.

قۇجاتتى قابىلداۋ تەرىس الەۋمەتتىك-ەكونوميكالىق جانە قۇقىقتىق سالدارعا اكەپ سوقتىرمايتىنى ايتىلعان.

قاۋلى جوباسىن جاريا تالقىلاۋ 2 ناۋرىزعا دەيىن جالعاسادى.

Abai.kz