قازاقستاندا ەكولوگيالىق اۆتوموبيل جانە اۆياتسيالىق وتىن وندىرەتىن زاۋىت سالىنادى.

KazFoodProduckts باس ديرەكتورى ءاليحان تالعاتبەك ۇكىمەت وتىرىسىندا كومپانيانىڭ اگروونەركاسىپتىك كەشەندەگى ءوندىرىستى ءارتاراپتاندىرۋ بويىنشا تابىستى تاجىريبەسى تۋرالى ايتىپ بەردى.

KazFoodProduckts كومپانياسى 2017 جىلى سولتۇستىك قازاقستان وبلىسى تايىنشا اۋدانىندا جۇمىس ىستەمەيتىن «بيوحيم» زاۋىتىن ساتىپ العان. قىسقا مەرزىم ىشىندە اۋقىمدى جاڭعىرتۋ جۇرگىزىلىپ، تەحنولوگيالىق پروتسەستەر قالپىنا كەلتىرىلىپ، كاسىپورىننىڭ ىسكە قوسىلعان.

«قازىر ءبىز جىل سايىن 300 مىڭ توننا استىقتى جوعارى وڭدەلگەن ونىمدەرگە – كراحمال، بيداي گليۋتەنى جانە بيوەتانولعا ءبولىپ وڭدەيمىز. وسىنىڭ ارقاسىندا جاي استىق ەكسپورتىمەن سالىستىرعاندا ايتارلىقتاي جوعارى قوسىلعان قۇن قالىپتاسادى. ناتيجەسىندە وندىرىلگەن بيوەتانول ەۋروپا ەلدەرىنە ەكسپورتتالادى، ال گليۋتەن بىزگە الىس شەتەلدەردىڭ، سونىڭ ىشىندە اقش پەن جاپونيانىڭ نارىقتارىن اشتى. ءوز كەزەگىندە كراحمالدى تمد جانە ازيا ەلدەرىنە نەگىزگى جەتكىزۋشى بولىپ وتىرمىز»، — دەدى ءاليحان تالعاتبەك.

ول سونداي-اق «قازمۇنايگاز» ۇك» اق-مەن جانە امەريكالىق سەرىكتەستەرمەن ىنتىماقتاستىقتا تمد-دا ەكولوگيالىق تازا اۆتوموبيل جانە اۆياتسيالىق وتىن (SAF) وندىرەتىن العاشقى زاۋىت سالۋ جونىندەگى جوبانى جۇزەگە اسىرۋ باستالعانىن ايتتى. زاۋىتتىڭ قۋاتتىلىعى – 50 مىڭ توننا، ال ينۆەستيتسيالار شامامەن $200 ملن.

Abai.kz