كاسپي تەڭىزىنىڭ ارجاعىندا بولىپ جاتقان سوعىس ءبىزدىڭ ەلدى دە ەلەڭدەتىپ وتىرعانى انىق. ءماجىلىس دەپۋتاتى ابزال قۇسپان دا اقش پەن يزرايل سوققىنىڭ استىنا الىپ جاتقان يرانداعى جاعدايعا بايلانىستى جۋرناليستەر سۇراعىنا وراي پىكىر ءبىلدىردى. ول سوعىس ۇزاققا سوزىلسا بىزگە دە اسەرى بولاتىنىن بولجايدى.

“ماڭعىستاۋعا بوسقىندار سانى كوبەيۋى مۇمكىن. تىكەلەي تەڭىزبەن ەسەپتەگەندە 550-600 شاقىرىم (يران مەن ماڭعىستاۋ وبلىسىنىڭ اراسى) بولادى ەكەن. ءبىز ەۋروپانى كوردىك قوي. افريكا ەلدەرىنەن قاشقان بوسقىندار ۇلكەن-ۇلكەن تەڭىزدەردى ءارتۇرلى قايىقتارمەن كەسىپ ءوتىپ جاتىر. سۋعا كەتكەندەر دە بولدى. ونىڭ قاسىندا بۇل – الدەقايدا قىسقا جول. سول سەبەپتى 100 ميلليونعا جۋىق حالقى بار يراندا جاعداي كۇردەلەنسە، ول قازاقستانعا اسەر ەتپەي قويمايدى. سوندىقتان، ول جاقتاعى جاعدايدىڭ جىلدامىراق كەلىسىم بولعانىنا وتە قاتتى مۇددەلى ەلمىز”، – دەيدى ابزال قۇسپان.

Abai.kz