تانىمال ءانشى تورەعالي ءتورالى رەفەرەندۋمدا ءوز تاڭداۋىن جاسادى
بۇگىنگى ماڭىزدى ساياسي ناۋقان اياسىندا جۋىردا تۇركىستان قالاسىنا قونىس اۋدارعان تانىمال ءانشى تورەعالي ءتورالى دە ءوز ازاماتتىق مىندەتىن ورىنداپ، رەفەرەندۋمعا قاتىسىپ، داۋىس بەردى.
ونەر يەسى داۋىس بەرۋ ارقىلى ەل بولاشاعىنا بەيجاي قارامايتىنىن ءبىلدىرىپ، تۇرعىنداردى قوعامدىق-ساياسي ومىرگە بەلسەندى اتسالىسۋعا شاقىردى. ونىڭ ايتۋىنشا، مۇنداي ماڭىزدى ساتتەردە ءاربىر ازامات ءوز تاڭداۋىن جاساپ، ەلدىڭ دامۋىنا ۇلەس قوسۋى قاجەت.
بۇل كۇنى تۇركىستان قالاسىندا ءوتىپ جاتقان رەفەرەندۋمعا قالا تۇرعىندارى ەرەكشە بەلسەندىلىك تانىتىپ، ءوز ازاماتتىق ۇستانىمدارىن بىلدىرۋدە.
Abai.kz
