قازاقستان ورتالىق ازيا ەلدەرى اراسىندا الەۋمەتتىك قولداۋ كورسەتۋ جاعىنان كوش باستادى
قازاقستان ورتالىق ازيا ەلدەرى اراسىندا الەۋمەتتىك قولداۋ كورسەتۋ بويىنشا كوش باستادى. مەملەكەت تاراپىنان كورسەتىلەتىن الەۋمەتتىك قولداۋكورشى ەلدەرمەن سالىستىرعاندا ايتارلىقتاي جوعارى دەڭگەيدە.
قانداي الەۋمەتتىك كومەك تۇرلەرى كورسەتىلەدى؟
جالپى، اتالعان ءوڭىر ەلدەرىندە الەۋمەتتىك قولداۋعا نەگىز بولاتىن سەبەپتەر ۇقساس. ول: بالانىڭ دۇنيەگە كەلۋى، زەينەتكە شىعۋ، مۇگەدەكتىك، اسىراۋشىسىنان ايىرىلۋ نەمەسە جۇمىسسىز قالۋ دەگەن سەكىلدى. دەگەنمەن،بۇل كومەكتى ۇيىمداستىرۋ مەن قارجىلاندىرۋ تاسىلدەرى ءار مەملەكەتتە ءارتۇرلى.
سونىمەن بىرگە، ەلىمىزدە الەۋمەتتىك تولەمدەردەن بولەك, بىرقاتار ماڭىزدى سالا دا مەملەكەت تاراپىنان سۋبسيديالانادى. مىسالى، جولاۋشىلار تاسىمالىنا بولىنەتىن قاراجات كولەمى ەداۋىر وسكەن. بيىل الەۋمەتتىك ماڭىزى بار باعىتتاردى سۋبسيديالاۋعا: استانا قالاسىندا 62,34 ملرد تەڭگە قاراستىرىلعان. الماتىدا 107,6 ملرد تەڭگەگە جەتءتى. بۇدان بولەك، جەرگىلىكتى بيۋدجەت ەسەبىنەن كوممۋنالدىق تاريفتەردىڭ وسۋىنە بايلانىستى وتەماقى تولەنەدى. سونداي-اق، وزگە دە الەۋمەتتىك ماسەلەلەرءدى شەشۋگە كومەك كورسەتىلەدى.
ورتالىق ازيا ەلدەرىندەگى الەۋمەتتىك-ەكونوميكالىق كورسەتكىشتەردىڭ سالىستىرمالى تالداۋى
قىرعىزستان
وزبەكستان
تاجىكستان
قازاقستان
بالا تۋىنا جانە كۇتىمىنە بايلانىستى بەرىلەتىن جاردەماقى قالاي تولەنەدى؟
قىرعىزستان
قىرعىزستاندا قىزمەتكەردىڭ/جۇمىسشىنىڭ نارەستەلى بولۋىنا بايلانىستى – جۇمىس بەرۋشى ەسەبىنەن جالاقىنىڭ 100%-ى تولەنەدى. ول 10 جۇمىس كۇنى ىشىندە تاعايىندالادى. ال، ودان كەيىن اي سايىن 20 ايلىق ەسەپتىك كورسەتكىش مولشەرىندە ياعني 2 000 سوم اۋدارىلىپ وتىرادى. سونىمەن بىرگە، مەملەكەت تاراپىنان بالا تۋىنا بايلانىستى ءبىرجولعى «بالاگا ءسۇيۇنچۇ» تولەمى تاعايىندالادى. كولەمىن: 21 607,32 تەڭگە (4 000 سوم).
وزبەكستان
وزبەكستاندا بءىرىنشى بالا تۋعانداعى بىرجولعى تولەم ەڭ تومەنگى جالاقىنىڭ 70,3%-ى — 34 519,92 تەڭگە تولەنەدى. ەلدە جۇكتىلىك جانە بوسانۋ تولەمدەرىنە جىل سايىن بيۋدجەتتەن 96,999 ملرد تەڭگە (2,5 ترلن سۋم) بولىنەدى.
تاجىكستان
ال، تاجىكستاندا بالا تۋىنا بايلانىستى اي سايىن ءبىرىنشى بالاعا 11 415 تەڭگە، ەكىنشى بالاعا 7 610 تەڭگە، ءۇءشىنشى جانە ودان كەيىنگى: 3 804 تەڭگە اۋدارىلىپ وتىرادى. بۇدان بولەك، 1,5 جاسقا دەيىنگى بالا كۇتىمىنە اي سايىن 3 804,92 تەڭگە تولەنەدى.
قازاقستان
ەلىمىزدە بالا تۋىنا بايلانىستى بىررەتتىك تولەم بىلاي بولىنەدى: 1–3 بالاعا164 350 تەڭگە، 4 جانە ودان كوپ بالا: 272 475 تەڭگە اۋدارىلادى. جۇمىس ىستەيتىن ايەلدەرگە مىندەتتى الەۋمەتتىك ساقتاندىرۋ قورى ەسەبىنەن جۇكتىلىك جانە بوسانۋىنا بايلانىستى الەۋمەتتىك تولەم –1 158 107 تەڭگەگە دەيىن قاراستىرىلعان. ول نەگىزگى اۋدارىمدارعا بايلانىستى بولادى. سونىمەن بىرگە، 1,5 جاسقا دەيىنگى بالا كۇتىمى بويىنشا اي سايىن جاردەماقى اۋدارىلادى. ءبىرىنشى بالاعا 24 912 تەڭگە، ەكىنشى بالاعا 29 454 تەڭگە، ءۇشىنشى بالاعا 33 952 تەڭگە، ءتورت جانە ودان كوپ بالا ءۇشىن مەملەكەتتەن 38 493 تەڭگە جاردەماقى تولەنەدى.
كوپبالالى جانە از قامتىلعان وتباسىلاردى قولداۋ تەتىگى قالاي جۇزەگە اسىرىلادى؟
قىرعىزستان
قىرعىزستاندا 16 جاسقا دەيىنگى بالالارى بار از قامتىلعان وتباسىلارعا «ءۇي-بۇلوگو كوموك» باعدارلاماسى بويىنشا اي سايىن 6 482,20 تەڭگە (1 200 سوم)جاردەماقى بەرىلەدى. بيىلدان باستاپ ەلدە «بالا بەرەكە» بىرجولعى تولەمى ەنگىزىلەدى. بۇل ءتورىنشى بالا جانە ودان كەيىنگى بالالارعا، تاۋلى جانە شالعاي ايماقتاردا تۇراتىن وتباسىلارعا ارنالعان. تولەمدەر 2027 جىلدان باستاپ،بالا 1 جاسقا تولعاندا بەرىلەدى. ءتورتىنشى بالاعا 540 183 تەڭگە (100 مىڭ سوم), بەسىنشى بالاعا 3 241 098 تەڭگە (600 مىڭ سوم), 10 جانە ودان كوپ بالا: 10 803 660 تەڭگە (2 ملن سوم) بولىنەدى. تاۋلى جانە شالعاي ەلدى مەكەندەردە تۇراتىن، 3 جاسقا دەيىنگى بالالارى بار وتباسىلارعا اي سايىن ءار بالاعا 16 205,49 تەڭگە(3 000 سوم) اۋدارىلادى. زەينەت جاسىنداعى «باتىر انالارعا»: 16 205,49 تەڭگە، قارتتارعا: 10 803,66 تەڭگە مەملەكەت تاراپىنان بولىنەدى.
وزبەكستان
وزبەكستاندا اسىراۋشىسىنان ايىرىلعان وتباسىلارعا 31 815,59 تەڭگە قاراستىرىلعان.
تاجىكستان
تاجىكستاندا از قامتىلعان وتباسىلارعا اتاۋلى الەۋمەتتىك كومەك بىلايشا بولىنەدى. 16 جاسقا دەيىنگى ءار بالاعا: 7 609,84 تەڭگە، قۇرامىندا 2 جانە ودان كوپ مۇگەدەك بار وتباسىلارعا: 7 609,84 تەڭگە، 80 جاستان اسقان قارتتارعا 7 609,84 تەڭگەدەن تولەنەدى. بۇدان بولەك، اسىراۋشىسىنان ايىرىلعان جانۇيالارعا 7 225 – 12 041 تەڭگە ارالىعىندا اۋدارىلىپ وتىرادى.
قازاقستان
ەلىمىزدە كءوپبالالى وتباسىلارعا مىناداي كومەك تۇرلەرى قاراستىرىلعان. 4 بالا ءۇشىن 69 330 تەڭگە، 5 بالاعا: 86 673 تەڭگە، 6 بالاعا: 104 017 تەڭگە، 7 بالاعا: 121 360 تەڭگە، 8 جانە ودان كوپ: ءار بالاعا 17 300 تەڭگە بەرىلەدى. بۇدان بولەك، قوسىمشا «كۇمىس القا» يەگەرلەرىنە: 27 680 تەڭگە، «التىن القا»، «باتىر انا» يەگەرلەرى اي سايىن 32 005 تەڭگە الادى. الەۋمەتتىك از قامتىلعان وتباسىلار ءۇشىن مىناداي جاردەماقى قاراستىرىلعان. تابىس دەڭگەيى كەدەيلىك شەگىنەن تومەن ازاماتتارعا بەرىلەدى. ناقتىراق ايتقاندا، 1–6 جاس ارالىعىنداعى بالالارعا 1,5 اەك — 6 487,5 تەڭگە كولەمىندە جاردەماقى تولەنەدى. ەڭبەككە قابىلەتتىلىكتەن ايىرىلۋ بويىنشا ورتاشا مولشەرى 54 742 تەڭگە, اسىراۋشىسىنان ايىرىلعاندارعا 55 800 تەڭگە اۋدارىلادى. جۇمىسسىز قالعان جاعدايدا تولەنەتىن جاردەماقى 1–6 اي ارالىعىندا، سوڭعى 24 ايداعى تابىستىڭ 45%-ىنا دەيىن جاردەماقى بەرىلەدى.
مۇگەدەكتىگى بار ازاماتتاردى قولداۋ شارالارى
قىرعىزستان
مۇندا ەرەسەك مۇگەدەكتىگى بار ازاماتتار مىناداي تولەم تۇرلەرى قاراستىرىلعان. I توپ: 29 710,07 تەڭگە، II توپ: 16 205,49 تەڭگە، III توپ: 10 803,66 تەڭگە اۋدارىلاپ وتىرادى.
وزبەكستان
ەلدە ەڭبەككە جارامسىز جانە بالا كەزىنەن مۇگەدەكتىگى بار ازاماتتارعا
39 265,09 تەڭگە جاردەماقى بەرىلەدى. قاجەتتى ەڭبەك ءوتىلى جوق قارتتارعا 31 815,59 تەڭگە جاردەماقى تولەنەدى.
تاجىكستان
تاجىكستاندا بولسا، مۇگەدەكتىگى بار ازاماتتارعا تولەم بىلايشا تاعايىندالادى. I توپ، بالا كەزىنەن I-II توپ جانە مۇگەدەك بالالار: 12 062,58 تەڭگە، III توپتاعىلارعا: 7 237,2 تەڭگە تولەنەدى.
قازاقستان
قازاقستاندا مۇگەدەكتىك بويىنشا مەملەكەتتىك الەۋمەتتىك جاردەماقى مىناداي: I توپتاعىلارعا: 111 873 تەڭگە، II توپتاعىلارعا: 89 498 تەڭگە، III توپتاعىلارعا: 61 022 تەڭگە اۋدارىلادى.
قورىتىندى
قازاقستان ورتالىق ازيا ەلدەرىمەن سالىستىرعاندا حالىقتى الەۋمەتتىك قورعاۋعا كوبىرەك قارجى ءبولىپ، قولداۋ تەتىكتەرىن كەڭىرەك قولدانادى. بۇل – ازاماتتاردىڭ ءال-اۋقاتىن ارتتىرۋعا باعىتتالعان جۇيەلى ساياساتتىڭ كورىنىسى.
Abai.kz
