الداعى مەرەكەلىك دەمالىستار الماتى وبلىسىندا «تازالىق كۇنى» دەپ جاريالاندى. ياعني، ءۇش كۇن بويى وڭىردەگى بارلىق تۋريستىك نىساندار، حالىق كوپ جينالاتىن ورىندار، ساياباقتار مەن اۋلالاردا جاپپاي سەنبىلىكتەر وتەدى. «تازا قازاقستان» اكتسياسى اياسىندا ۇيىمداستىرىلاتىن شاراعا ۇلتتىق پارك قىزمەتكەرلەرى، ورمانشىلار، قورىقشىلار، قوعام بەلسەندىلەرى، ەرىكتىلەر، كاسىپكەرلەر، قوعامدىق ۇيىم وكىلدەرى مەن تۇرعىندارى تۇگەل اتسالىسادى. الماتى وبلىسىندا وننان استام تۋريستىك دەستيناتسيا جانە جۇزدەن استام تانىمال تۋريستىك باعىت بار. ءۇش كۇندىك مەرەكەلىك دەمالىستا تاۋ-تاسقا، وزەن-كولدەر مەن تابيعات اياسىنا باراتىن ساياحاتشىلار سانى ارتادى. سونددىقتان قوناقتاردىڭ تابيعاتتى لاستاماي، قوقىستى بەلگىلەنگەن ورىندارعا جيناپ كەتۋى ولكە تازالىعى ءۇشىن اسا ماڭىزدى. اسىرەسە تۋريستىك اۋماقتاردىڭ تازالىعىنا ەرەكشە دەن قويىلىپ وتىر. وسى ورايدا وبلىس اكىمى مارات سۇلتانعازيەۆ تۋعان جەردىڭ تابيعاتىن ايالاپ، تۇرعىندار مەن قوناقتاردى «تازا قازاقستان» اكتسياسىنا بەلسەنە قاتىسۋعا شاقىردى.

«قىمباتتى وبلىس تۇرعىندارى! 

حالقىمىز ەجەلدەن «تازالىق» ۇعىمىن  جاننىڭ   تازالىعىمەن،   نيەتتىڭ   تۇزۋلىگىمەن  ۇشتاستىرىپ، وعان ەرەكشە ءمان بەرگەن. مەملەكەت  باسشىسى قاسىم - جومارت كەمەلۇلى توقاەۆ اتاپ  وتكەندەي، «تازا قازاقستان» اكتسياسى -  بۇل ءبىر  رەتتىك ناۋقان ەمەس، ۇلتىمىزدىڭ بولمىسىنداعى  اسىل قاسيەتتەردى جاڭعىرتاتىن بىرەگەي باستاما. تازالىق - وركەنيەتتىڭ   ايناسى.   ءبىز   تەك  سەنبىلىكتەرمەن شەكتەلمەي، قورشاعان ورتانى كۇتىپ  ۇستاۋدى كۇندەلىكتى ادەتكە اينالدىرۋىمىز قاجەت. ءاربىر   تۇرعىن   ءوز   اۋلاسىنا،   ءاربىر   ۇجىم   ءوز  مەكەمەسىنە   جاۋاپكەرشىلىكپەن   قاراۋى   ءتيىس.  اسىرەسە،   وبلىستىڭ بارلىق   كاسىپكەرلەرىنىڭ بۇل ىسكە  ۇلەس   قوسۋى - بيزنەستىڭ   قوعام   الدىنداعى  جاۋاپكەرشىلىگىنىڭ   ايعاعى. نىسانداردىڭ  ەستەتيكالىق تالاپتارعا ساي بولۋى ولكەمىزدىڭ اجارىن اشا تۇسەرى ءسوزسىز.  ءبىزدىڭ ورتاق ماقساتىمىز -  «زاڭ مەن ءتارتىپ»  قاعيداتى   ورنىققان   قاۋىپسىز   قوعام   قۇرۋ.   ويتكەنى  ءتارتىپ بار جەردە   تازالىق تا، بەرەكە دە بولادى. وتانعا   قىزمەت   ەتۋ   وسىنداي   قاراپايىم،  بىراق  ماڭىزدى ىستەردەن باستالادى.  بارشاڭىزدى وسى يگى باستاماعا اتسالىسىپ،  ءوڭىرىمىزدى  جاۋاپكەرشىلىك  پەن جاسامپازدىقتىڭ  ايماعىنا اينالدىرۋعا شاقىرامىن! - دەدى ءوڭىر باسشىسى الەۋمەتتىك جەلىدەگى جەكە پاراقشاسىندا.

Abai.kz