الماتى قالاسىنىڭ المالى اۋداندىق سوتىنىڭ وندىرىسىندەگى قىلمىستىق ءىس بويىنشا ا. كاسەنوۆتىڭ بۇلتارتپاۋ شاراسىنىڭ مەرزىمى اياقتالدى دەگەن مازمۇنداعى بۇقارالىق اقپارات قۇرالدارى مەن الەۋمەتتىك جەلىلەردە تاراتقان مالىمدەمەلەرىنە بايلانىستى تومەندەگىنى حابارلايمىز.

قازاقستان رەسپۋبليكاسى قىلمىستىق-پروتسەستىك كودەكسىنىڭ 319-بابىنا سايكەس قىلمىستىق ءىس سوتقا كەلىپ تۇسكەن كەزدە سۋديا ءبىر مەزگىلدە بۇلتارتپاۋ شاراسى ماسەلەسىن قارايدى. اتالعان ءىس بويىنشا سوت اعىمداعى جىلدىڭ 5 ماۋسىم كۇنى بۇرىن تاڭدالعان ۇيقاماق تۇرىندەگى بۇلتارتپاۋ شاراسىن وزگەرىسسىز قالدىرۋ تۋرالى پروتسەستىك شەشىم قابىلدادى.

وسىعان بايلانىستى بۇلتارتپاۋ شاراسىنىڭ مەرزىمى اياقتالدى دەگەن مالىمدەمەلەر سوت اكتىسىنىڭ مازمۇنىنا سايكەس كەلمەيدى.

سونىمەن قاتار، سوت قاۋلىسى پروتسەسكە قاتىسۋشىلار مەن ولاردىڭ قورعاۋشىلارى قول جەتكىزە الاتىن «سوت كابينەتى» اقپاراتتىق جۇيەسىندە ورنالاستىرىلاتىنىن اتاپ وتكەن ءجون.

تيىسىنشە، ادۆوكاتتار مەن پروتسەسكە قاتىسۋشى وزگە دە تۇلعالار زاڭدا بەلگىلەنگەن تارتىپپەن سوت اكتىسى شىعارىلعاننان كەيىن ونىمەن تىكەلەي تانىسۋعا قۇقىلى.

قوسىمشا حابارلايمىز، جۇكتەلگەن شەكتەۋلەر مەن مىندەتتەر بۇزىلعان جاعدايدا سوت زاڭنامادا كوزدەلگەن تارتىپپەن بۇلتارتپاۋ شاراسىن وزگەرتۋگە، ونىڭ ىشىندە نەعۇرلىم قاتاڭ بۇلتارتپاۋ شاراسىن قولدانۋعا قۇقىلى.

Abai.kz