«قازاقستان تەمىر جولى» ۇلتتىق كومپانياسى» اق باسقارما توراعاسى تالعات الدىبەرگەنوۆ قىزمەتىنەن بوساتىلدى. بۇل شەشىمدى كومپانيانىڭ جالعىز اكتسيونەرى قابىلداعان، دەپ حابارلايدى Ulysmedia.kz «سامۇرىق-قازىنا» قورىنا سىلتەمە جاساپ.

تالعات الدىبەرگەنوۆ «قازاقستان تەمىر جولىن» 2025 جىلدىڭ شىلدە ايىنان باستاپ باسقاردى. وعان دەيىن بۇل قىزمەتتى اتقارعان نۇرلان ساۋرانباەۆ كولىك ءمينيسترى بولىپ تاعايىندالعاننان كەيىن ول ۇلتتىق كومپانيا باسشىسى قىزمەتىنە كەلگەن.

الدىبەرگەنوۆ بۇعان دەيىن «قازاقستان تەمىر جولى» باسقارما توراعاسىنىڭ ورىنباسارى بولىپ جۇمىس ىستەگەن. ونىڭ تەمىرجول سالاسىنداعى ەڭبەك ءوتىلى 35 جىلدان اسادى.

ول ەڭبەك جولىن باتىس قازاقستان تەمىر جولىنداعى جۇمىسشى قىزمەتتەرىنەن باستاپ، كەيىن بىرقاتار كولىك جانە لوگيستيكالىق كومپانيالاردى باسقارعان.

«سامۇرىق-قازىنا» قورىن ونىڭ وكىلەتىن توقتاتۋ سەبەپتەرىن جاريا ەتپەدى.

Abai.kz