قازاقستاندا العاش رەت جۇمىس بەرۋشىلەرگە ارنالعان تاۋەلسىز زەرتتەۋدىڭ ناتيجەلەرى جاريالاندى. زەرتتەۋ كومپانيالاردىڭ ءوزىن-ءوزى باعالاۋىنا ەمەس، 100-دەن استام ۇيىم مەن 150 مىڭنان استام قىزمەتكەردىڭ وبەكتيۆتى دەرەكتەرىنە نەگىزدەلدى. زەرتتەۋ كوشباسشىلارىنىڭ قاتارىندا Beeline قازاقستان دا بار. ونىڭ ناتيجەلەرى HR-پراكتيكالاردىڭ دامۋ دەڭگەيى بيزنەستىڭ تيىمدىلىگىمەن قالاي بايلانىستى ەكەنىن كورسەتتى.

قازاقستاننىڭ ەڭبەك نارىعى data-driven HR قاعيداتىنا نەگىزدەلگەن جاڭا كەزەڭگە قادام باسىپ كەلەدى. بۇعان دەيىن جۇمىس بەرۋشىلەر رەيتينگتەرى كوبىنە كومپانيالاردىڭ ساۋالنامالارىنا، ساراپشىلار باعاسىنا نەمەسە جەكەلەگەن HR-كەيستەرگە سۇيەنىپ جاسالسا، ەندى كومپانيالاردى ناقتى دەرەكتەر ارقىلى باعالاۋعا مۇمكىندىك بەرەتىن جاڭا قۇرال پايدا بولدى.

ءدال وسى ءتاسىل قازاقستانداعى ەڭبەك نارىعىنىڭ ەڭ ءىرى زەرتتەۋى – Paryz Bridge جوباسىنىڭ نەگىزىنە اينالدى. ونىڭ ناتيجەلەرى العاش رەت 3 شىلدەدە وتكەن Human Capital Forum اياسىندا ۇسىنىلدى. زەرتتەۋدى قازاقستاننىڭ HR-مەنەدجەرلەر قاۋىمداستىعى مەن «Paryz» جۇمىس بەرۋشىلەر كونفەدەراتسياسى بىرلەسىپ جۇرگىزدى. وعان ەل بويىنشا 100-دەن استام كومپانيا مەن 150 مىڭنان استام قىزمەتكەر قاتىستى.

العاش رەت جۇمىس بەرۋشىلەر رەيتينگى كومپانيالاردىڭ ءوزىن-ءوزى باعالاۋىنا ەمەس، HR-پروتسەستەردىڭ وبەكتيۆتى تالداۋىنا، ناقتى كادرلىق كورسەتكىشتەرگە، قىزمەتكەرلەردىڭ پىكىرىنە جانە حالىق اراسىنداعى جۇمىس بەرۋشى برەندىنە دەگەن كوزقاراسقا سۇيەنە وتىرىپ جاسالدى. قازاقستان نارىعى ءۇشىن بۇل جۇمىس بەرۋشىلەردى بىرىڭعاي ولشەمدەر بويىنشا سالىستىرۋعا مۇمكىندىك بەرەتىن العاشقى كەشەندى اناليتيكالىق بازا بولدى.

HR-ماركەتينگتەن HR-اناليتيكاعا

Paryz Bridge زەرتتەۋى جۇمىس بەرۋشىنى ءبىر عانا كورسەتكىش بويىنشا ەمەس، بىرنەشە نەگىزگى كريتەري ارقىلى باعالايتىن كەشەندى ادىستەمەگە نەگىزدەلگەن. اتاپ ايتقاندا، HR-پروتسەستەردىڭ جەتىلۋ دەڭگەيى، كادرلىق مەتريكالار، قىزمەتكەرلەردىڭ قاناعاتتانۋ دەڭگەيى (Employee Perception Index – EPI), جۇمىس بەرۋشى برەندىنىڭ حالىق اراسىنداعى بەدەلى جانە سالالىق بەنچماركتەر ەسكەرىلدى.

بۇل سۋبەكتيۆتى باعالاۋدان data-driven HR مودەلىنە كوشكەنىن بىلدىرەدى. مۇندا باسقارۋشىلىق شەشىمدەر ناقتى ولشەنەتىن كورسەتكىشتەر نەگىزىندە قابىلدانادى.

Human Capital Forum اياسىندا وتكەن «شەشىمدەردىڭ كۇشى. ادام – باستى قۇندىلىق» اتتى CEO-سەسسياسىندا قازاقستاننىڭ جەتەكشى كومپانيالارىنىڭ باسشىلارى جاساندى ينتەللەكت پەن ۇلكەن دەرەكتەر داۋىرىندە كوشباسشىلىق، كوماندالاردى باسقارۋ جانە شەشىم قابىلداۋ تاسىلدەرىنىڭ قالاي وزگەرىپ جاتقانىن تالقىلادى.

فورۋمنىڭ اياسىندا «مويىنداۋدىڭ كۇشى» اتتى سالتاناتتى ءراسىمى ءوتتى. وندا Paryz Bridge زەرتتەۋىنىڭ قورىتىندىسى بويىنشا قازاقستاننىڭ ۇزدىك جۇمىس بەرۋشىلەرى ماراپاتتالدى. زەرتتەۋ ناتيجەسىندە Beeline قازاقستان «اقپارات جانە بايلانىس» سالاسىنداعى ەڭ ۇزدىك جۇمىس بەرۋشى اتاندى.

باعدارلاما «ديالوگ كۇشى» اتتى سالالىق پىكىرتالاستارمەن اياقتالدى. ساراپشىلار زەرتتەۋ ناتيجەلەرىن تالداپ، سالالىق كورسەتكىشتەردى سالىستىرىپ، الەمدىك HR-ترەندتەردى تالقىلاپ، HR-پراكتيكالاردى جانە بولاشاق زەرتتەۋلەردى دامىتۋ بويىنشا ۇسىنىستار ازىرلەدى.

Beeline قازاقستاننىڭ ادامدار جانە بيزنەستى قولداۋ جونىندەگى ديرەكتورى جارقىن بەكجانوۆتىڭ ايتۋىنشا، قازىرگى زامانعى HR دەرەكتەرگە سۇيەنىپ وبەكتيۆتى اناليتيكا باسقارۋشىلىق شەشىمدەردىڭ نەگىزگى قۇرالىنا اينالىپ كەلەدى.

«بۇگىندە ءتيىمدى HR-شەشىمدەردى تەك تاجىريبە مەن ينتۋيتسياعا سۇيەنىپ قابىلداۋ مۇمكىن ەمەس. دەرەكتەر عانا قاي تاجىريبەلەردىڭ شىنىمەن ناتيجە بەرەتىنىن كورسەتەدى، ءدال ءارى نەگىزدەلگەن شەشىم قابىلداۋعا جانە ادام كاپيتالىن دامىتۋ بويىنشا ۇزاق مەرزىمدى ستراتەگيا قۇرۋعا مۇمكىندىك بەرەدى.

ءبىز ءۇشىن Paryz Bridge-كە قاتىسۋ – HR-جۇيەمىزگە تاۋەلسىز باعا الىپ، ءوزىمىزدى نارىقپەن سالىستىرۋعا جانە جاڭا دامۋ باعىتتارىن انىقتاۋعا مۇمكىندىك ۇلكەن مۇمكىندىك بەردى. زەرتتەۋدىڭ كومپانيالاردىڭ ءوزىن-ءوزى باعالاۋىنا ەمەس، نارىقتىڭ اۋقىمدى تالداۋى مەن قىزمەتكەرلەردىڭ پىكىرىنە نەگىزدەلگەنى ەرەكشە ماڭىزدى. Beeline-ءنىڭ جوعارى ناتيجەلەرى ادامدارمەن جۇيەلى جۇمىستىڭ ناقتى ناتيجە بەرەتىنىن، ال دەرەكتەردىڭ كورپوراتيۆتىك مادەنيەتتى دايەكتى تۇردە دامىتۋعا كومەكتەسەتىنىن دالەلدەيدى»، – دەدى سپيكەر.

Beeline ناتيجەلەرى زەرتتەۋدەگى ۇزدىك كومپانيانىڭ ءبىرى ەكەنىن، HR-پروتسەستەردىڭ جەتىلۋ دەڭگەيى كومپانيانىڭ نەگىزگى كورسەتكىشتەرىنە قالاي اسەر ەتەتىنىن كورسەتتى.

Beeline قازاقستان ناتيجەلەرى نەنى كورسەتتى؟

زەرتتەۋدەگى ەڭ قىزىقتى كەيستەردىڭ ءبىرى – Beeline قازاقستان. كومپانيا سالالىق جۇمىس بەرۋشىلەر رەيتينگىندە ءبىرىنشى ورىن الىپ قانا قويماي، زەرتتەۋگە قاتىسقان ۇيىمداردىڭ ىشىندە HR-جۇيەسىنىڭ ەڭ جوعارى جەتىلۋ دەڭگەيىن كورسەتتى.

زەرتتەۋ قورىتىندىسى بويىنشا كومپانيانىڭ HR-پراكتيكالارىنىڭ جەتىلۋ يندەكسى 85% بولدى. بۇل نارىقتاعى ورتاشا كورسەتكىشتەن 15 پايىزدىق تارماققا, ال IT سالاسىنىڭ ورتاشا دەڭگەيىنەن 8 پايىزدىق تارماققا جوعارى. باعالاۋ قىزمەتكەرلەردى ىرىكتەۋ مەن وقىتۋدان باستاپ HR-اناليتيكا، تسيفرلاندىرۋ جانە كورپوراتيۆتىك مادەنيەتكە دەيىنگى 21 نەگىزگى HR-پروتسەستى قامتىدى.

جوعارى جالپى ناتيجەگە قىزمەتكەرلەر تاجىريبەسى مەن باسقارۋ تيىمدىلىگىنە تىكەلەي اسەر ەتەتىن بىرنەشە باعىت ىقپال ەتتى.

زەرتتەۋ كومپانيانىڭ ىشكى كوممۋنيكاتسيالارى مەن HR-ءدىڭ وپەراتسيالىق مودەلىن ۇزدىك تاجىريبە دەپ اتاپ ءوتتى. بۇل ەكى باعىت تا 100% ناتيجەگە قول جەتكىزىپ، نارىقتاعى ورتاشا كورسەتكىشتەردەن ەداۋىر جوعارى بولدى.

نارىقپەن سالىستىرعانداعى ەڭ ۇلكەن ايىرماشىلىق قىزمەتكەرلەردى قارجىلىق قولداۋ باعىتى بويىنشا تىركەلدى: 95%, ال نارىقتاعى ورتاشا كورسەتكىش – 58%. ياعني ارتىقشىلىق 37 پايىزدىق تارماقتى قۇرادى.

سونداي-اق كەلەسى باعىتتار دا جوعارى باعالاندى:

• پەرسونالدى ىرىكتەۋ – 90%;
• جاڭا قىزمەتكەرلەردى بەيىمدەۋ – 90%;
• وقىتۋ جانە دامىتۋ – 90%;
• قۇزىرەتتەردى باسقارۋ – 85%;
• HR-اناليتيكا – 85%;
• HR-ءدى تسيفرلاندىرۋ – 85%.

جالپى العاندا، كومپانياداعى 21 HR-پروتسەستىڭ 9-ى نارىقتاعى ورتاشا دەڭگەيدەن 20 پايىزدىق تارماقتان استام جوعارى ناتيجە كورسەتتى.

سونىمەن قاتار زەرتتەۋ تەك جەتىستىكتەردى عانا ەمەس، ودان ءارى دامۋ جولدارىن دا كورسەتتى. اۆتورلار نازار اۋدارۋدى قاجەت ەتەتىن باعىتتاردىڭ ءبىرى رەتىندە كاسىپوداقتارمەن ءوزارا قارىم-قاتىناستى دامىتۋ ماسەلەسىن اتادى. بۇل كورسەتكىش ازىرگە نارىقتاعى ورتاشا دەڭگەيدەن تومەن.

قىزمەتكەرلەر پىكىرى ساندارمەن سايكەس كەلءدى

ەگەر HR-دىڭ دامۋ يندەكسى ىشكى پروتسەستەردىڭ جوعارعى ساپاسىن كورسەتسە، Employee Perception Index (EPI) قىزمەتكەرلەردىڭ كومپانيانى قالاي قابىلدايتىنىن كورسەتەدى.

بۇل كورسەتكىش بويىنشا Beeline – 93% ناتيجە كورسەتىپ، زەرتتەۋگە قاتىسقان بارلىق كومپانيالاردىڭ ىشىندە ەڭ جوعارى ورىنعا يە بولدى.

بۇل نارىقتاعى ورتاشا دەڭگەيدەن 18 پايىزدىق تارماققا, ۇلتتىق بەنچماركتان 24%-عا, ال IT سالاسىنىڭ ورتاشا كورسەتكىشىنەن 29 پايىزدىق تارماققا جوعارى.

ياعني زەرتتەۋ ءبىر-بىرىمەن تىعىز بايلانىستى ەكى ناتيجەنى كورسەتتى: HR-پراكتيكالارىنىڭ جەتىلۋى – 85%, ال Employee Perception Index – 93%. زەرتتەۋ اۆتورلارى بۇل پايىزداردى جۇيەلى كوشباسشىلىقتىڭ كورسەتكىشى رەتىندە باعالايدى. بۇل جاعدايدا ىشكى پروتسەستەردىڭ ساپاسى قىزمەتكەرلەر تاجىريبەسىنە تىكەلەي اسەر ەتەدى.

جۇمىس بەرۋشى برەندى دە ولشەنەتىن كورسەتكىشكە اينالدى

زەرتتەۋدىڭ تاعى ءبىر بولىگى قازاقستان تۇرعىندارىنىڭ جۇمىس بەرۋشىلەرگە دەگەن كوزقاراسىنا ارنالدى.

بۇل باعىتتا دا Beeline نارىقتاعى ورتاشا كورسەتكىشتەن جوعارى ناتيجە كورسەتتى. كومپانيانىڭ جۇمىس بەرۋشى برەندىنىڭ يندەكسى 50%, ال نارىقتاعى ورتاشا دەڭگەي 36% بولدى. ياعني ايىرماشىلىق 14 پايىزدىق تارماقتى قۇرادى.

كومپانيانىڭ ورتاشا باعاسى 10 بالدىڭ 7,42-ءسىن قۇرادى. بۇل IT سەكتورىنىڭ ورتاشا كورسەتكىشىنەن (6,33) جوعارى بولعانىمەن، جالپى نارىقتاعى ورتاشا دەڭگەيدەن (7,77) ءسال تومەن.

جۇمىس بەرۋشى برەندىنىڭ ۇزدىك سيپاتتامالارى:

• ەڭبەكاقى تولەۋدىڭ تۇراقتىلىعى – 93%;
• كومپانيانى ۇسىنۋعا دايىن قىزمەتكەرلەر – 85%;
• جۇمىس بەرۋشىگە سەنىمدىلىگى – 81%;
• قولايلى ەڭبەك جاعدايلارى – 83%.

التى نەگىزگى اتريبۋتتىڭ بەسەۋى بويىنشا Beeline جۇمىس بەرۋشى برەندى نارىق دەڭگەيىنە تەڭ نەمەسە ودان جوعارى ناتيجە كورسەتتى.

بيزنەس-مەتريكالار نە دەيدى؟

كومپانيا ەڭبەك نارىعىندا جوعارى باعالانادى. ءبىر بوس جۇمىس ورنىنا 81 ۇمىتكەردەن كەلەدى. سالىستىرۋ ءۇشىن، سالالىق ورتاشا كورسەتكىش – 35, ال جالپى نارىق بويىنشا – 26.

زەرتتەۋ كوماندا قۇرىلىمىنىڭ ەرەكشەلىكتەرىنە دە نازار اۋداردى. باسشىلىق لاۋازىمداردىڭ 61%-ىن ايەلدەر اتقارادى، ال 30 جاسقا دەيىنگى قىزمەتكەرلەر كومپانيا پەرسونالىنىڭ 35,1%-ىن قۇرايدى. بۇل كورسەتكىشتەر دە نارىقتاعى ورتاشا دەڭگەيدەن جوعارى.

سونىمەن قاتار اناليتيكا الداعى جۇمىس باعىتتارىن دا كورسەتتى. ولاردىڭ قاتارىندا، اسىرەسە جاس قىزمەتكەرلەر اراسىنداعى ەرىكتى جۇمىستان كەتۋ دەڭگەيىن تومەندەتۋ، سونداي-اق قىزمەتكەرلەردىڭ ءال-اۋقاتى مەن ولاردى ۇستاپ قالۋعا باعىتتالعان باعدارلامالاردى دامىتۋ بار.

زەرتتەۋ اۆتورلارى ءدال وسىنداي دامۋ باعدارلامالارىنىڭ بولۋى ناتيجەلەردى جاي عانا جۇمىس بەرۋشىلەر رەيتينگىنەن گورى باسقارۋشىلىق شەشىمدەر قابىلداۋعا ارنالعان قۇندى قۇرالعا اينالدىراتىنىن اتاپ ءوتتى.

بۇل نە ءۇشىن ماڭىزدى؟

سوڭعى جىلدارى HR تەك سەرۆيستىك فۋنكتسيا بولۋدان قالدى. زەرتتەۋ ادام كاپيتالىن باسقارۋ بارعان سايىن ولشەنەتىن بيزنەس-فۋنكتسياعا اينالىپ كەلە جاتقانىن جانە پەرسونالدى باسقارۋ ساپاسىن قارجىلىق نەمەسە وپەراتسيالىق كورسەتكىشتەر سياقتى باعالاۋعا بولاتىنىن كورسەتتى.

كومپانيالار ءۇشىن بۇل ءوز HR-پراكتيكالارىن نارىقپەن وبەكتيۆتى سالىستىرۋعا، دامۋ جوسپارلارىن انىقتاۋعا جانە بولجامدارعا ەمەس، ناقتى دەرەكتەرگە سۇيەنە وتىرىپ شەشىم قابىلداۋعا مۇمكىندىك بەرەدى. ءدال وسىنداي ءتاسىل ۇيىمدار ءۇشىن جاڭا قالىپتى تاجىريبەگە اينالىپ كەلەدى.

Abai.kz