«سەمەي ورمانى» تاعى دا ورتەنۋدە: اباي وبلىسىنداعى ءورت سالدارىنان 190 بالا ەۆاكۋاتسيالاندى.

16 شىلدەدە بورودۋليحا اۋدانىندا ورمان ءورتى تۇتاندى. ءتىلشىمىزدىڭ حابارلاۋىنشا، ءورتتى ءسوندىرۋدى ايماقتاعى توتەنشە ءورت قاۋپى دەڭگەيى قيىنداتىپ وتىر.

سونداي-اق قازىرگى ۋاقىتتا ءتۇرلى وڭىرلەردى ابىگەرگە سالعان قاتتى ىستىق تا جاعدايدى قيىنداتۋدا. وقيعا ورنىنا مەملەكەتتىك ورمان كۇزەتى مەن تجد قىزمەتكەرلەرى جىبەرىلىپ، اۆياتسيا جۇمىلدىرىلدى.

«ورمان ءورتى "سەمەي ورمانى" متور بورودۋليحا فيليالى كامىشەنكا ورمان شارۋاشىلىعىنىڭ 57-توقسانىندا تىركەلدى»، — دەپ حابارلادى ەكولوگيا جانە تابيعي رەسۋرستار مينيسترلىگى.

تىكۇشاقتار 24 رەت سۋ شاشتى. وقيعا ورنىنا قوسىمشا كۇشتەر مەن تەحنيكا باعىتتالدى.

بالالاردى ەۆاكۋاتسيالاۋ

كامىشەنكا ورمان شارۋاشىلىعى اۋماعىندا ورنالاسقان «Dos Bol Like» جازعى لاگەرىنەن 190 بالانى ەۆاكۋاتسيالاۋ تۋرالى اقپاراتتى اباي وبلىسىنىڭ تجد راستادى:

• 2 بالانى اتا-انالارى وزدەرى الىپ كەتتى;
• 188 بالا ءۇشىن بورودۋليحا اۋىلىنا ەۆاكۋاتسيالاۋ ۇيىمداستىرىلدى.

ەستەرىڭىزگە سالا كەتەيىك، 2023 جىلدىڭ جازىندا وسى تابيعي رەزەرۆات اۋماعىندا قازاقستان تاريحىنداعى ەڭ ءىرى ءورت شىققان بولاتىن. ول كەزدە 15 ادام قازا تاپتى.

Abai.kz