الماتىدا الماتى تەحنولوگيالىق كوللەدجىنىڭ بازاسىندا «تەحنيكالىق جانە كاسىپتىك ءبىلىم بەرۋ ۇيىمدارىندا زاڭدىلىقتى، ءبىلىم بەرۋ ورتاسىنىڭ قاۋىپسىزدىگىن قامتاماسىز ەتۋ، قۇقىق بۇزۋشىلىقتاردىڭ الدىن الۋ جانە قىزمەتتى جۇزەگە اسىرۋ تاۋەكەلدەرىن بارىنشا ازايتۋ ماسەلەلەرى بويىنشا ۆەدومستۆوارالىق ءوزارا ءىس-قيمىل» تاقىرىبىندا اۋماقتىق كەڭەس ءوتتى.

ءىس-شارانى الماتى قالاسى ءبىلىم باسقارماسى ۇيىمداستىرىپ، وعان قالا پروكۋراتۋراسىنىڭ، الماتى قالاسى پد جپقب يۋۆەنالدى پوليتسياسىنىڭ وكىلدەرى، سونداي-اق مەگاپوليستەگى مەملەكەتتىك جانە جەكەمەنشىك كوللەدجدەردىڭ باسشىلارى قاتىستى.

كەڭەس بارىسىندا قاتىسۋشىلار تەحنيكالىق جانە كاسىپتىك ءبىلىم بەرۋ جۇيەسىن ءتيىمدى باسقارۋ، ستۋدەنتتەردىڭ قاۋىپسىزدىگىن قامتاماسىز ەتۋ جانە كوللەدجدەردەگى تاربيە جۇمىسىنىڭ ساپاسىن ارتتىرۋ ماسەلەلەرىن تالقىلادى.

الماتى قالاسى ءبىلىم باسقارماسىنىڭ باسشىسى ساكەن ارالباەۆ تجكب ۇيىمدارىنداعى تاربيە جۇمىسىن كۇشەيتۋدىڭ ماڭىزدىلىعىن اتاپ ءوتىپ، قۇقىق بۇزۋشىلىقتاردىڭ جۇيەلى پروفيلاكتيكاسىن جۇرگىزۋ جانە كامەلەتكە تولماعاندار اراسىندا قۇقىققا قايشى مىنەز-قۇلىقتىڭ الدىن الۋ بويىنشا قوسىمشا شارالار قابىلداۋ قاجەتتىگىن ايتتى.

جاستاردىڭ زاڭدىلىعى مەن قاۋىپسىزدىگىن قامتاماسىز ەتۋ ماسەلەلەرىنە ەرەكشە نازار اۋدارىلدى. الماتى قالاسى پروكۋرورىنىڭ اعا كومەكشىسى دياس ىسقاق قاتىسۋشىلاردى جاستار ورتاسىنداعى قازىرگى جاعدايمەن تانىستىرىپ، پروبلەمالىق ماسەلەلەردى اتاپ ءوتتى جانە جاستار اراسىندا قۇقىق بۇزۋشىلىقتاردىڭ الدىن الۋ مەن سۋيتسيدتىك مىنەز-قۇلىقتىڭ الدىن الۋ باعىتىندا قابىلدانىپ جاتقان شارالار تۋرالى ايتىپ بەردى.

الماتى قالاسى پد جپقب يۋۆەنالدى پوليتسيا ءبولىمىنىڭ باستىعى جاننا شونجانوۆا كوللەدج ستۋدەنتتەرى اراسىندا قۇقىق بۇزۋشىلىق دەڭگەيىن تومەندەتۋگە جانە ءبىلىم بەرۋ ۇيىمدارىنىڭ قۇقىق قورعاۋ ورگاندارىمەن ءوزارا ءىس-قيمىلىن نىعايتۋعا باعىتتالعان پروفيلاكتيكالىق ءىس-شارالار كەشەنىن تانىستىردى.

كەزدەسۋ قورىتىندىسى بويىنشا قاتىسۋشىلار ءبىلىم بەرۋ ورتاسىنىڭ قاۋىپسىزدىگىن قامتاماسىز ەتۋ ماسەلەلەرىندە ۆەدومستۆوارالىق ىنتىماقتاستىقتىڭ ماڭىزدىلىعىن اتاپ ءوتتى. كەڭەس كاسىبي ديالوگ جۇرگىزۋگە، تاجىريبە الماسۋعا جانە الماتى كوللەدجدەرىندەگى ستۋدەنتتەردىڭ قاۋىپسىز ءبىلىم الۋىنا جاعداي جاساۋعا، قارجىلىق ءتارتىپتى نىعايتۋعا جانە باسقارۋ ساپاسىن ارتتىرۋعا باعىتتالعان بىرلەسكەن شەشىمدەر ازىرلەۋگە ءتيىمدى الاڭ بولدى.

Abai.kz