قازىرگى ۋاقىتتا 24,1 ملن توننا ءشوپ دايىندالدى، بۇل جوسپاردىڭ 94%-ىنا تەڭ. 

وڭىرلەردە مال ازىعىن دايىنداۋ ناۋقانى جالعاسىپ جاتىر.

وبلىس اكىمدىكتەرىنىڭ جەدەل مالىمەتتەرىنە سايكەس، بۇگىنگى تاڭدا اۋىل شارۋاشىلىعى تاۋارىن وندىرۋشىلەر الداعى قىس مەزگىلىندە مالدى قورادا ۇستاۋ كەزەڭىنە قاجەتتى 30,1 ملن توننا مال ازىعىن دايىندادى. بۇل جوسپارلانعان كولەمنىڭ شامامەن 73%-ىن قۇرايدى.

قازىرگى ۋاقىتتا 24,1 ملن توننا ءشوپ دايىندالدى، بۇل جوسپاردىڭ 94%-ىنا تەڭ. سونىمەن قاتار 2,2 ملن توننا پىشەندەمە (جوسپاردىڭ 96,2%-ى), 1,1 ملن توننا قۇنارلى جەم، 837,8 مىڭ توننا سۇرلەم جانە 1,8 ملن توننا سابان ازىرلەندى.

قىسقى كەزەڭدە مال شارۋاشىلىعىنىڭ تۇراقتى جۇمىسىن قامتاماسىز ەتۋ جانە ساقتاندىرۋ قورلارىن قالىپتاستىرۋ ماقساتىندا «ازىق-تۇلىك كەلىسىمشارت كورپوراتسياسى» اق 201,3 مىڭ توننا استىق كولەمىندە جەمشوپ قورىن جاساقتادى. قاجەت بولعان جاعدايدا بۇل قور اۋىل شارۋاشىلىعى تاۋارىن وندىرۋشىلەردى جەمشوپپەن قامتاماسىز ەتۋ ءۇشىن پايدالانىلادى.

اۋىل شارۋاشىلىعى مينيسترلىگى وڭىرلەردىڭ اكىمدىكتەرىمەن بىرلەسىپ، مال ازىعىن دايىنداۋ ناۋقانىنىڭ بارىسىن تۇراقتى باقىلاۋدا ۇستاپ وتىر. جۇرگىزىلىپ جاتقان مونيتورينگ پەن رەزەرۆتەردىڭ ۋاقتىلى قالىپتاستىرىلۋى مال شارۋاشىلىعى شارۋاشىلىقتارىن قاجەتتى جەمشوپ بازاسىمەن قامتاماسىز ەتۋگە جانە الداعى قىسقى كەزەڭنەن تۇراقتى وتۋگە باعىتتالعان.

ايتا كەتەلىك اۋىل شارۋاشىلىعى تەحنيكاسىن جاڭارتۋعا 350 ملرد تەڭگە بولىنگەن ەدى.

دەرەككوزى: قازاقپارات

Abai.kz