2026 جىلعى 28 تامىز كۇنى الماتى قالاسى ىشكى ساياسات باسقارماسىنىڭ تاپسىرىسى اياسىندا «ادام جانە قوعام» قوعامدىق بىرلەستىگىنىڭ ۇيىمداستىرۋىمەن «1986 جىلعى جەلتوقسان وقيعاسىنا قاتىسۋشى ءلاززات اسانوۆانى ەسكە الۋعا ارنالعان» جوبا شەڭبەرىندە «10 يگى ءىس» ۇرانىمەن قايىرىمدىلىق شاراسى ءوتتى.

جاڭا وقۋ جىلى قارساڭىندا مەكتەپ تابالدىرىعىن العاش اتتاعالى وتىرعان 15 بۇلدىرشىنگە مەكتەپ ريۋكزاكتارى مەن قاجەتتى وقۋ قۇرالدارى تابىستالدى.يگى شاراعا رەسپۋبليكالىق «جەلتوقسان-86 – تاۋەلسىزدىك قىراندارى» حالىق قاھارماندارى قوزعالىسى» قوعامدىق بىرلەستىگىنىڭ ءتورايىمى ءجۇنىس گۇلباحرام ەسمۇراتقىزى ارنايى قاتىسىپ، بۇلدىرشىندەردى الداعى وقۋ جىلىمەن قۇتتىقتاپ، اقجارما تىلەگىن ءبىلدىردى.

اتالعان باستامانىڭ ماقساتى – الەۋمەتتىك قولداۋدى قاجەت ەتەتىن وتباسىلارعا كومەك كورسەتۋ، وسكەلەڭ ۇرپاققا قامقورلىق تانىتۋ، ىزگىلىك پەن قايىرىمدىلىق قۇندىلىقتارىن دارىپتەي وتىرىپ، جەلتوقسان قاھارماندارىنىڭ ەرلىگى مەن تاۋەلسىزدىك رۋحىن جاس ۇرپاق ساناسىندا جاڭعىرتۋ.

بۇلدىرشىندەرىمىزدىڭ مەكتەپتەگى العاشقى قادامدارى ءساتتى بولىپ، ءبىلىم جولدارى جارقىن بولسىن!

«10 يگى ءىس» – جاقسىلىققا باستار ىزگى قادام!

Abai.kz