اتىراۋ اكىمى شاكىر كەيكىن ءوز ەركىمەن قىزمەتىنەن كەتتى
اتىراۋ قالاسىنىڭ اكىمى شاكىر كەيكىن قىزمەتىنەن بوساتىلدى. بۇل اقپاراتتى اتىراۋ وبلىسى اكىمدىگىنىڭ ءباسپاسوز قىزمەتى راستادى.
رەسمي مالىمەتكە سۇيەنسەك، شاكىر كەيكىن لاۋازىمىنان ءوز ەركىمەن بوساتۋدى سۇراعان. ونىڭ ءوتىنىشىن ايماق باسشىسى قاناعاتتاندىردى.
شەنەۋنىك شاھار باسشىسى قىزمەتىنە 2023 جىلدىڭ 10 شىلدەسىندە كىرىسكەن ەدى. شاكىر كەيكىن ءار جىلدارى ءتۇرلى مەملەكەتتىك مەكەمەلەردە باسشىلىق لاۋازىمداردى اتقارعان. ال 2023 جىلدىڭ ناۋرىزىنان باستاپ قالا اكىمى بولىپ تاعايىندالعانعا دەيىن قر ساۋدا جانە ينتەگراتسيا مينيسترلىگى ساۋدا دەپارتامەنتىنىڭ باسشىسى لاۋازىمىندا جۇمىس ىستەدى.
ەسكە سالا كەتەيىك، بۇعان دەيىن ۇقك اتىراۋ قالاسى اكىمىنىڭ ەكى بىردەي ورىنباسارى — مەيىرجان مۇقاسوۆ پەن تىلەك ماحۋوۆقا قاتىستى تەرگەۋ امالدارى ءجۇرىپ جاتقانى حابارلانعان.
Abai.kz
