قازاقستان ۇكىمەتى تسيفرلىق اكتيۆتەر سالاسىن دامىتۋ جونىندەگى بىرلەسكەن ءىس-قيمىل جوسپارىن ماقۇلدادى.

پرەمەر-مينيستر ولجاس بەكتەنوۆتىڭ توراعالىعىمەن وتكەن ۇكىمەت وتىرىسىندا تسيفرلىق اكتيۆتەر سالاسىن دامىتۋ جونىندەگى بىرلەسكەن ءىس-قيمىل جوسپارى ماقۇلداندى.

قۇجات 10 باعىت بويىنشا 65 ءىس-شارانى قامتيدى جانە ەكونوميكادا تسيفرلىق اكتيۆتەردى قولدانۋ اياسىن كەڭەيتۋگە مۇمكىندىك بەرەدى. كەشەندى شارالاردى جۇزەگە اسىرۋ ينۆەستيتسيالىق تارتىمدىلىقتى ارتتىرۋعا جانە تسيفرلىق اكتيۆتەردىڭ زاماناۋي، باسەكەگە قابىلەتتى سالاسىن قالىپتاستىرۋعا ىقپال ەتەدى.

«ۇلتتىق بانك مەملەكەتتىك ورگاندارمەن بىرلەسىپ، مەملەكەت باسشىسىنىڭ تسيفرلىق اكتيۆتەر يندۋسترياسىن ىنتالاندىرۋ جانە دامىتۋ جونىندەگى جارلىعىندا بەلگىلەنگەن شارالاردىڭ ۋاقتىلى ءارى ساپالى جۇزەگە اسىرىلۋىن قامتاماسىز ەتۋى ءتيىس.ناقتى ناتيجەلەرگە قول جەتكىزۋ ءۇشىن ءاربىر باسشىنىڭ دەربەس جاۋاپكەرشىلىگى كوزدەلگەن. وسىعان باسا نازار اۋدارامىن»، - دەپ اتاپ ءوتتى ولجاس بەكتەنوۆ.

جوسپاردى جۇزەگە اسىرۋ:

كاپيتالدى قازاقستاننىڭ اشىق ءارى ايقىن قارجى اينالىمىنا قايتارۋعا;

تولەمدەر مەن ناقتى سەكتوردى قارجىلاندىرۋدا تسيفرلىق اكتيۆتەردى پايدالانۋ اياسىن كەڭەيتۋگە;

جاڭا ينۆەستيتسيالىق قۇرالداردى قالىپتاستىرۋعا;

كليەنتتەر مەن ينۆەستورلاردىڭ قۇقىقتارىن قورعاۋدى كۇشەيتۋگە;

تسيفرلىق قارجى قىزمەتتەرى ەكسپورتىن دامىتۋعا مۇمكىندىك بەرەدى.

بىرلەسكەن جوسپار ءىس-شارالارىنىڭ ورىندالۋى قازاقستاننىڭ تسيفرلىق اكتيۆتەر نارىعىن دامۋدىڭ ساپالى جاڭا دەڭگەيىنە شىعارۋعا ىقپال ەتەدى. ۇلتتىق بانك جۇمىستى ۇيلەستىرەدى جانە ءىس-شارالاردىڭ ورىندالۋ مەرزىمدەرىنە مونيتورينگ جۇرگىزەدى.

Abai.kz