ۇلتتىق قاۋىپسىزدىك كوميتەتى «وحوتزووپروم» رمقك باتىس وڭىرلىك فيليالىنىڭ باسشىسى ارمان قۇجاحمەتوۆتىڭ ۇستالعانى تۋرالى اقپاراتتان كەيىن سوتقا دەيىنگى تەرگەۋ جۇرگىزىلىپ جاتقانىن حابارلادى.

قازاقستاننىڭ ۇلتتىق قاۋىپسىزدىك كوميتەتى بۇقارالىق اقپارات قۇرالدارى مەن الەۋمەتتىك جەلىلەردە «وحوتزووپروم» رمقك باتىس وڭىرلىك فيليالىنىڭ باسشىسى ارمان قۇجاحمەتوۆتىڭ ۇستالعانى تۋرالى اقپارات تاراعاننان كەيىن Kazinform جولداعان ساۋالعا جاۋاپ بەردى.

Kazinform اگەنتتىگى اتالعان اقپاراتقا بايلانىستى ۇقك-دەن رەسمي تۇسىنىكتەمە سۇرادى.

— سوتقا دەيىنگى تەرگەۋ جۇرگىزىلىپ جاتقانىن حابارلايمىز. قازاقستان رەسپۋبليكاسى قىلمىستىق-پروتسەستىك كودەكسىنىڭ 201-بابىنىڭ 1-بولىگىنە سايكەس وزگە اقپارات جاريا ەتۋگە جاتپايدى، — دەلىنگەن كوميتەت جاۋابىندا.

ۇلتتىق قاۋىپسىزدىك كوميتەتى تەرگەۋدىڭ ءمان-جايىن ناقتىلاعان جوق.

بۇعان دەيىن ۇقك اقتاۋ قالاسى اكىمشىلىك پوليتسياسى باستىعىنا قاتىستى تەرگەۋ جۇرگىزىلىپ جاتقانىن راستاعان بولاتىن.

Abai.kz