تانىمال ءانشى ديماش قۇدايبەرگەن كاسپي تەڭىزىندەگى وقۋ-جاتتىعۋ كەزىندە قازا بولعان اسكەري قىزمەتشىلەردىڭ تۋعان-تۋىستارىنا كوڭىل ايتتى.

— ءبىزدىڭ اقتاۋدا كوز جۇمعان 18-19 جاسار ىنىلەرىمدى قيماي جۇرەگىم اۋىرىپ، ايتۋعا ءسوز تابا الماي وتىرمىن. بالالىق كەزەڭنەن ەندى عانا شىعىپ كەلە جاتقان كەزدە جاپ-جاس عۇمىرلاردىڭ وسىلايشا ءۇزىلىپ كەتكەنى… قازا بولعان باۋىرلارىمىزدىڭ اتا-اناسىنا، تۋعان-تۋىستارىنا، جاقىندارىنا شىن جۇرەكتەن كوڭىل ايتامىن. اللا جۇرەكتەرىڭىزگە سابىر، وزدەرىڭىزگە كۇش بەرسىن. ىنىلەرىمنىڭ جاتقان جەرى جايلى، توپىراعى تورقا بولسىن. جاندارى ءجانناتتا بولسىن. ە اللا،قۇدىرەتى كۇشتى اللا،ىنىلەرىمدى الدىنان جارىلقاعايسىڭ. ەشبىر اتا-انا بالاسىنىڭ ارتىندا قالماسىن… ەلىمىزدە مۇنداي قاسىرەت ەندى قايتالانباسىن. قوش بولىڭدار، باۋىرلارىم، — دەپ جازدى ول.

Abai.kz