قازاقستان گازا سەكتورىنا تەز ارادا دەەسكالاتسيا جاساۋدى جانە كومەك كورسەتۋدى قولدادى...

قازاقستاننىڭ سىرتقى ىستەر ءمينيسترى مۇحتار تىلەۋبەردى بۇۇ باس اسسامبلەياسىنىڭ 81-سەسسياسى شەڭبەرىندە وتكەن يسلام ىنتىماقتاستىعى ۇيىمىنا (يۇۇ) مۇشە مەملەكەتتەردىڭ جىل سايىنعى ۇيلەستىرۋ كەزدەسۋىنە قاتىستى. كاتىسۋشىلار حالىقارالىق جانە وڭىرلىك كۇن ءتارتىبىن، سونىڭ ىشىندە تاياۋ شىعىستاعى جاعدايدى جانە ونىڭ گۋمانيتارلىق سالدارلارىن تالقىلادى.

تىلەۋبەردى قازاقستان حالىقارالىق قاقتىعىستاردى بەيبىت جولمەن رەتتەۋدى قولدايتىنىن مالىمدەدى.

سونىمەن قاتار ول يۇۇ ەلدەرىنىڭ تاياۋ شىعىستاعى شيەلەنىستى ازايتۋعا، تۇراقتى بەيبىتشىلىككە قول جەتكىزۋگە جانە گازا سەكتورىنداعى گۋمانيتارلىق جاعدايدى جاقسارتۋعا باعىتتالعان دانەكەرلىك كۇش-جىگەرىن قولدادى.

قازاقستان ءوز باستامالارىن ەسكە سالدى

ءسىم باسشىسى سونداي-اق «يۇۇ-15» توبىن قۇرۋ جونىندەگى قازاقستاندىق باستامانىڭ ماڭىزدىلىعىن اتاپ ءوتتى. بۇل توپ يسلام الەمىنىڭ عىلىمي ءارى تەحنولوگيالىق تۇرعىدان بارىنشا دامىعان مەملەكەتتەرىنىڭ باسىن قوسىپ، ولاردىڭ اراسىنداعى ىنتىماقتاستىقتى كەڭەيتۋگە ءتيىس. بۇدان بولەك، تىلەۋبەردى شتاب-پاتەرى استانادا ورنالاسقان ازىق-تۇلىك قاۋىپسىزدىگى جونىندەگى يسلام ۇيىمىنىڭ جۇمىسىن ەسكە سالدى.

ەسكە سالا كەتەيىك، بۇعان دەيىن قازاقستان قاقتىعىستار كەزىندە بەيبىت تۇرعىنداردى قورعاۋدى كۇشەيتۋگە شاقىرعان بولاتىن.

Abai.kz