سوعىس پەن ەكونوميكالىق ارپالىس كۇشەيگەن تۇستا كرەملدەن شۋلى شەشىم شىقتى.

Reuters اگەنتتىگىنىڭ جاريالاعان جاڭا بيۋدجەت جوباسىنا سۇيەنسەك، رەسەي 2027 جىلى اسكەري شىعىندارىن رەكوردتىق مەجەگە — 17,1 تريلليون رۋبلگە دەيىن شارىقتاتپاق. بىراق بۇل «جەڭىستىڭ» باعاسى تىم قىمباتقا ءتۇسىپ جاتىر: قاراپايىم حالىقتىڭ الەۋمەتتىك كومەگى، ءبىلىم بەرۋ مەن دەنساۋلىق ساقتاۋ قارجىسى كۇرت قىسقارتىلماق!

نەگىزگى سوققى قايدا باعىتتالدى؟

• اسكەري ءدۇمپۋ: قورعانىس شىعىندارى شارىقتاپ كەتكەندىكتەن، مەملەكەت كىرىستى تولتىرۋ ءۇشىن سالىقتاردى ءوسىرىپ قانا قويماي، الەۋمەتتىك باعدارلامالاردى شەكتەۋگە ءماجبۇر.
• ءبىلىم مەن الەۋمەتتىك سەكتور قۇرباندىققا شالىنۋدا: مەكتەپتەرگە، الەۋمەتتىك كومەكتەرگە جانە مەديتسيناعا بولىنەتىن جوسپارلى قاراجات 6-7% شاماسىندا ازايتىلىپ وتىر.
• قارىز قامىتى: مەملەكەتتىك قارىزدى وتەۋ شىعىندارى دا شارىقتاپ، ەل ەكونوميكاسىنا تۇسەتىن اۋىرتپالىق جىل سايىن ارتىپ بارادى.

«پۋشكي نە ماسلو» قاعيداسى ىسكە قوسىلعان تۇستا، ماسكەۋدىڭ بۇل قادامدارى حالىقتىڭ ءال-اۋقاتىنا قالاي اسەر ەتەدى؟ ساراپشىلاردىڭ پىكىرىنشە، سوعىس ماشيناسىنىڭ شەكسىز تابەتى رەسەيدىڭ ىشكى ەكونوميكالىق تۇراقتىلىعىنا ۇلكەن قاتەر ءتوندىرىپ وتىر.

بۇل ەكونوميكالىق ساياسات ۇزاققا بارا ما؟

Abai.kz