استانادا جەدەل جاردەم فەلدشەرى ۇلدانا مىرزۋاننىڭ قازاسىنا قاتىستى سوت تەرگەۋى قايتا باستالدى...

استانا قالاسىنىڭ قىلمىستىق ىستەر جونىندەگى اۋدانارالىق سوتىندا 23 جاستاعى جەدەل جاردەم قىزمەتكەرى ۇلدانا مىرزۋاننىڭ قايعىلى قازاسىنا بايلانىستى كوزعالعان قىلمىستىق ءىس بويىنشا سوت تەرگەۋى قايتا جانداندى.

سوت پروتسەسى ءوز مارەسىنە تاياپ، ايىپتالۋشى ساۋلە جۇبانيازوۆا سوڭعى ءسوزىن ايتۋى ءتيىس ەدى. الايدا وتىرىس بارىسىندا جابىرلەنۋشى تاراپتىڭ ادۆوكاتى نۇرسۇلتان ورىنبەكوۆ سوت تەرگەۋىن قايتا باستاۋ تۋرالى ءوتىنىشحات ءتۇسىردى.

بۇل شەشىمگە قايعىلى جاعداي ورىن العان تۇرعىن ءۇيدىڭ قۇرىلىس سالۋشىسى (زاسترويششيك) ۇستىنەن جۇرگىزىلىپ جاتقان ىستەگى جاڭا ءمان-جايلار سەبەپ بولىپ وتىر. وتكەن اپتادا قۇرىلىس سالۋشى كومپانياعا قاتىستى تەرگەۋ امالدارىنىڭ قايتا جاندانعانى بەلگىلى بولعان ەدى. قورعاۋشىنىڭ پايىمداۋىنشا، ول ءىس بويىنشا شىعارىلاتىن شەشىم جۇبانيازوۆاعا قاتىستى قىلمىستىق ءىستىڭ بارىسىنا تىكەلەي ىقپال ەتۋى مۇمكىن.

«تەرگەۋ سۋدياسىنىڭ شاعىمدى قاراۋ ناتيجەسى قىلمىستىق قۇقىق بۇزۋشىلىقتىڭ بارلىق ءمان-جايىن جانە ارەكەتى نەمەسە ارەكەتسىزدىگى بۇل قىلمىستىق ءىس شەڭبەرىندە باعالانۋعا ءتيىس تۇلعالاردىڭ تولىق شەڭبەرىن انىقتاۋ ءۇشىن تىكەلەي ماڭىزدى بولىپ تابىلادى»، — دەپ اتاپ ءوتتى ادۆوكات نۇرسۇلتان ورىنبەكوۆ.

وسىعان وراي، جابىرلەنۋشى تاراپ سوتتان تەرگەۋ سوتىنىڭ قاۋلىسىن الدىرىپ، سوت تەرگەۋىن قايتا باستاۋدى سۇرادى. ايىپتالۋشىنىڭ ادۆوكاتى التىنبەك تاڭكىباەۆ تا بۇل ءوتىنىشحاتتى تولىقتاي قولدادى.

سوت الداعى وتىرىستاردا ءىستىڭ جاڭا ءمان-جايلارىن ەسكەرە وتىرىپ، پروتسەستى ءارى قاراي جالعاستىراتىن بولادى.

Abai.kz