قاسىم-جومارت توقاەۆ سي ءتسزينپيندى قىتاي حالىق رەسپۋبليكاسىنىڭ قۇرىلعانىنا 77 جىل تولۋىمەن قۇتتىقتادى، دەپ حابارلايدى اقوردانىڭ ءباسپاسوز قىزمەتى.

– ۇلى قىتاي تاريحىندا جاڭارۋ مەن جاڭعىرۋدىڭ بىرەگەي نىشانى بولعان بۇل كۇننىڭ ورنى ەرەكشە. ەلىڭىز وزىندىك ءداستۇرى مەن باي مادەنيەتىن ساقتاپ، دامۋ مەن ەكونوميكالىق ورلەۋدىڭ جارقىن ۇلگىسىن كورسەتىپ كەلەدى. اسىرەسە، قىتايدىڭ عىلىمي-تەحنولوگيا، يننوۆاتسيا مەن تسيفرلىق ەكونوميكا سالالارىنداعى تولاعاي جەتىستىكتەرى جاھاندى تاڭعالدىردى، – دەپ جازىلعان جەدەلحاتتا.

قاسىم-جومارت توقاەۆ ەكى ەل اراسىنداعى دوستىق پەن تاتۋ كورشىلىككە نەگىزدەلگەن ماڭگى جان-جاقتى ستراتەگيالىق سەرىكتەستىك تىڭ قارقىنمەن دامىپ كەلە جاتقانىن اتاپ ءوتتى.

سونىمەن قاتار بيىل شانحايداعى جۇزدەسۋ ءوزارا ىقپالداستىقتىڭ كەلەشەگىنە دەگەن ورتاق كوزقاراستى بەكەمدەپ، سان قىرلى ىنتىماقتاستىقتىڭ كوكجيەگىن كەڭەيتۋگە جول اشقانىنا توقتالدى.

پرەزيدەنت قىتاي توراعاسىنىڭ جاۋاپتى مەملەكەتتىك قىزمەتىنە تولايىم تابىس، ال دوستاس قىتاي حالقىنا قۇت-بەرەكە تىلەدى.

Abai.kz