اقش سەناتى قازاقستان مەن ورتالىق ازيا ەلدەرىن تاۋەلسىزدىكتىڭ 35 جىلدىعىمەن قۇتتىقتاپ، ارنايى قارار قابىلدادى.

بۇل قاراردى رەسپۋبليكالىق جانە دەموكراتيالىق پارتيالاردىڭ التى سەناتورى ستيۆ دەينس، گەري پيتەرس، دجون كيورتيس، دەيۆ ماككورميك، كريس ميورفي جانە دجەكي روزەن ۇسىندى.

قۇجاتتا قازاقستان، قىرعىزستان، تاجىكستان، تۇرىكمەنستان جانە وزبەكستانمەن بايلانىستىڭ اقش ءۇشىن ستراتەگيالىق ماڭىزى ايتىلعان. سەنات بۇل مەملەكەتتەردىڭ سىرتقى ساياساتىن ءوز بەتىنشە جۇرگىزىپ، قاۋىپسىزدىك پەن ەكونوميكا سالاسىنداعى سەرىكتەستەرىن دەربەس تاڭداۋ قۇقىعىن قولدايدى.

سونداي-اق ولاردىڭ تاۋەلسىزدىگى، ەگەمەندىگى مەن اۋماقتىق تۇتاستىعى بۇكىل ەۋرازياداعى بەيبىتشىلىك پەن قاۋىپسىزدىكتىڭ تىرەگى ەكەنى ايتىلعان.

قاراردا اقش-تىڭ ايماق ەلدەرىمەن ەكىجاقتى بايلانىسى جانە س5+1 فورماتىنداعى ىنتىماقتاستىعى نىعايىپ كەلە جاتقانى دا كورسەتىلگەن.

سونداي-اق ترانسكاسپي ءدالىزىنىڭ الەمدىك ساۋدا، ەنەرگەتيكالىق قاۋىپسىزدىك جانە تسيفرلىق بايلانىس ءۇشىن ماڭىزدى ەكەنىنە نازار اۋدارىلعان.

Abai.kz