17 قازاندا استاناداعى Alem.AI حالىقارالىق جاساندى ينتەللەكت ورتالىعىندا «Kazakhstan Prevention Days – 2026» جوبالار كورمەسى وتەدى. وندا قۇقىق بۇزۋشىلىقتىڭ الدىن الۋعا، بالالاردى قورعاۋعا جانە تسيفرلىق قاۋىپسىزدىكتى كۇشەيتۋگە ارنالعان تەحنولوگيالار تانىستىرىلادى.

كورمەدە بالالاردىڭ قاۋىپتى تسيفرلىق ورتاعا تارتىلۋىن ەرتە انىقتايتىن «AiMap»، حابار-وشارسىز كەتكەن ادامداردى ىزدەۋگە كومەكتەسەتىن «E-Bagdar» جانە جول اقاۋلارىن انىقتايتىن «JOLScan» جۇيەلەرى ۇسىنىلادى. سونداي-اق الاياقتىق قوڭىراۋلاردى بۇعاتتاۋ تەحنولوگياسى مەن ازاماتتاردىڭ الاياقتارعا قارسى ارەكەت ەتۋ داعدىسىن دامىتاتىن ينتەراكتيۆتى سيمۋلياتور كورسەتىلەدى.

شاراعا ءىىم، پوليتسيا دەپارتامەنتتەرى، اكىمدىكتەر، جوعارى وقۋ ورىندارى، ۇكىمەتتىك ەمەس ۇيىمدار مەن جاستار ازىرلەگەن 60-قا جۋىق جوبا قاتىسادى. گەرمانيا، قىرعىزستان، وزبەكستان جانە تاجىكستان وكىلدەرى دە قاۋىپسىزدىك سالاسىنداعى تاجىريبەلەرىمەن بولىسەدى.

كورمەنىڭ تاعى ءبىر باعىتى – وتباسىنداعى زورلىق-زومبىلىقتىڭ الدىن الۋ جانە بالالاردىڭ قاۋىپسىزدىگىن قامتاماسىز ەتۋ. وسى ماقساتتا «ءبىز جاقىنبىز 2.0»، «قاۋىپسىز وتباسى – قاۋىپسىز قوعام»، «AL-JAN» جانە «SENIM TECHNOLOGIES» جوبالارى تانىستىرىلادى.

Abai.kz