الماتىدا «قازترانسگاز» باسشىسىنىڭ بۇرىنعى كەڭەسشىسى سانجار بوقاەۆقا قاتىستى سوت پروتسەسى باستالدى. ول بىرقاتار قىلمىس جاسادى دەگەن كۇدىككە ىلىنگەن. قىلمىستىق ءىس قازاقستان رەسپۋبليكاسى قىلمىستىق كودەكسىنىڭ بىردەن بىرنەشە بابى (190, 218, 188, 340 جانە 274-باپتار) بويىنشا قارالىپ جاتىر.

تەرگەۋشىلەردىڭ پايىمداۋىنشا، بوقاەۆ سىبايلاستارىمەن بىرگە ءىرى كولەمدەگى الاياقتىق سحەماسىن جۇزەگە اسىرعان. سونداي-اق ول وسى جولمەن الىنعان قاراجاتتى زاڭداستىردى دەگەن كۇدىككە ىلىنگەن. اتاپ ايتقاندا، زاڭسىز تابىستىڭ قايدان كەلگەنىن جاسىرۋ ءۇشىن قاراجات ءتۇرلى قارجىلىق وپەراتسيالار ارقىلى وتكىزىلگەن.

بۇدان بولەك، تەرگەۋدىڭ مالىمەتىنە سايكەس، بوقاەۆ گرانيت تاقتالاردى ۇرلاۋ مەن باۋما توعايىنداعى اعاشتاردى زاڭسىز كەسۋگە باستاماشى بولىپ، بۇل ارەكەتتەردى ۇيىمداستىرعان. ول سىبايلاستارىمەن بىرگە اتالعان قىلمىستاردى بەينەكامەرا الدىندا ادەيى ساحنالاپ، كەيىن جالعان بەينەروليكتەردى الەۋمەتتىك جەلىلەردە جاريالاعان.

ەسكە سالا كەتەيىك، سانجار بوقاەۆ 2026 جىلدىڭ ناۋرىز ايىندا الماتىدا ۇستالعان بولاتىن. «نۇر وتاننىڭ» بۇرىنعى يدەولوگىمەن بىرگە ونىڭ جيەنى ماديار قالمەنوۆ پەن جەكە موبيلوگرافى ۇلان نۇسىپقوجا دا سوت الدىندا جاۋاپ بەرۋدە. تەرگەۋ دەرەكتەرىنە سايكەس، بوقاەۆ مەملەكەتتىڭ قاتىسۋى بار كومپانيالاردا قىزمەت اتقارعان كەزەڭدە قالمەنوۆ قاراجاتتى زاڭسىز شىعارۋعا كومەكتەسكەن. ال نۇسىپقوجا مەملەكەتتىك مۇلىكتى ۇرلاۋدى ۇيىمداستىرۋعا اتسالىسىپ، اعاشتاردى زاڭسىز كەسۋ ارەكەتىن قوسا العاندا، الدىن الا ۇيىمداستىرىلعان وسى قىلمىستاردىڭ بارلىعىن بەينەكامەراعا تۇسىرگەن.

Abai.kz