قاراعاندى قالاسىنداعى «جاستار» سپورت كەشەنىندە 2010-2011 جىلدارى تۋعان جاسوسپىرىمدەر اراسىندا ەركىن كۇرەستەن وبلىس پروكۋرورىنىڭ كۋبوگىنا اشىق رەسپۋبليكالىق تۋرنير ءوتتى.

سپورتتىق ءىس-شارا قازاقستان رەسپۋبليكاسى پروكۋراتۋرا ورگاندارىنىڭ قۇرىلعانىنا 35 جىل تولۋىنا وراي جانە «زاڭ مەن ءتارتىپ» يدەولوگياسىن ىلگەرىلەتۋ شەڭبەرىندە ۇيىمداستىرىلدى.

جارىستىڭ اشىلۋ سالتاناتىندا وبلىس پروكۋرورى جاس سپورتشىلاردى ءتۋرنيردىڭ باستالۋىمەن قۇتتىقتاپ، ولارعا ءوز كۇشتەرىنە سەنىمدىلىك، لايىقتى كۇرەس، ادال جەڭىس جانە جاڭا سپورتتىق جەتىستىكتەر تىلەدى.

تۋرنيرگە رەسپۋبليكانىڭ 14 وبلىسىنان كەلگەن 10 كوماندا قۇرامىندا 250-دەن استام سپورتشى قاتىستى.

جارىس قورىتىندىسى بويىنشا جەڭىمپازدار مەن جۇلدەگەرلەر وبلىس پروكۋرورىنىڭ كۋبوگىمەن، گراموتالارمەن جانە چەمپيوندىق بەلبەۋلەرمەن ماراپاتتالدى.

مۇنداي ءىس-شارالاردى وتكىزۋ پروكۋراتۋرا ورگاندارىنىڭ زاڭدىلىق، ادىلدىك جانە جاۋاپكەرشىلىك قاعيداتتارىنا بەيىلدىلىگىن كورسەتەدى. سونىمەن قاتار جاستاردى قولداۋعا، سالاۋاتتى ءومىر سالتىن ناسيحاتتاۋعا جانە وسكەلەڭ ۇرپاقتىڭ قۇقىقتىق مادەنيەتىن قالىپتاستىرۋعا ىقپال ەتەدى.

Abai.kz