مەملەكەت باسشىسى اتوم ەنەرگياسى جونىندەگى اگەنتتىكتىڭ توراعاسى الماسادام ساتقاليەۆتى قابىلدادى. 

پرەزيدەنت قاسىم-جومارت توقاەۆقا اگەنتتىكتىڭ 2026 جىلى اتقارعان جۇمىسىنىڭ نەگىزگى ناتيجەلەرى تۋرالى ەسەبى تانىستىرىلدى.

مەملەكەت باسشىسىنا اتوم ونەركاسىبى مەن ەنەرگەتيكا جونىندە مالىمەت بەرىلدى.

اتاپ ايتقاندا، اەس قۇرىلىسى، اتوم عىلىمى مەن يننوۆاتسيالاردى دامىتۋ، مامان دايارلاۋ جانە سالاداعى جوبالاردىڭ وتاندىق ۇلەسىن ارتتىرۋ ماسەلەلەرى كوتەرىلدى.

سەمەي يادرولىق قاۋىپسىزدىك ايماعىن قۇرۋ، راديواكتيۆتى قالدىقتاردى باسقارۋ جۇيەسىن جەتىلدىرۋ، يادرولىق جانە رادياتسيالىق قاۋىپسىزدىك سالاسىنداعى نورماتيۆتىك-قۇقىقتىق بازانى نىعايتۋ ماسەلەلەرىنە ەرەكشە نازار اۋدارىلدى.

كەزدەسۋ سوڭىندا پرەزيدەنت ۇلتتىق اتوم ەنەرگەتيكاسىن ىلگەرىلەتۋ ماسەلەلەرىن ايرىقشا باقىلاۋدا ۇستاۋدى، سونداي-اق اتوم سالاسىنىڭ دامۋ ستراتەگياسى اياسىندا ايقىندالعان مىندەتتەردى جۇزەگە اسىرۋ جونىندە ۋاقتىلى شارالار قابىلداۋدى تاپسىردى.

Abai.kz