مەملەكەت باسشىسىنىڭ قازاقستان حالقىنا جولداۋىندا اۆتوموبيل جولدارىنىڭ ساپاسىن ارتتىرۋ جانە ەلدىڭ ترانزيتتىك الەۋەتىن نىعايتۋ جونىندە بەرگەن تاپسىرمالارىن ىسكە اسىرۋ اياسىندا كولىك مينيسترلىگى ءىرى كولەمدى جانە اۋىر سالماقتى اۆتوكولىك قۇرالدارىنىڭ قوزعالىسىنا باقىلاۋدى كۇشەيتكەنىن حابارلادى.

باقىلاۋ ءىس-شارالارى ەلدىڭ «باتىس ەۋروپا – باتىس قىتاي»، «استانا – پەتروپاۆل»، «ومبى – پاۆلودار – سەمەي – مايقاپشاعاي» جانە «قىزىلوردا – جەزقازعان» سياقتى نەگىزگى كولىك دالىزدەرى مەن اۆتوموبيل جولدارىندا جۇرگىزىلىپ جاتىر.

رۇقسات ەتىلگەن سالماق پارامەترلەرىنەن اسىپ تۇسەتىن جۇك تاسىمالىنىڭ جولىن كەسۋگە ەرەكشە نازار اۋدارىلادى. ويتكەنى كولىك قۇرالدارىنىڭ شامادان تىس جۇكتەلۋى جول توسەمىنىڭ بۇزىلۋىن جەدەلدەتىپ، جول قوزعالىسىنا قاتىسۋشىلاردىڭ قاۋىپسىزدىگىنە قاتەر توندىرەدى.

سونىمەن قاتار مينيسترلىك قازاقستان رەسپۋبليكاسى قۇرىلتايىنىڭ دەپۋتاتتارىمەن بىرلەسىپ، رۇقسات ەتىلگەن سالماق پارامەترلەرىنەن اسىپ كەتكەنى ءۇشىن جاۋاپكەرشىلىكتى كۇشەيتۋ جانە اۋىر سالماقتى اۆتوكولىك قۇرالدارىن باقىلاۋ تەتىكتەرىن جەتىلدىرۋ بويىنشا زاڭنامالىق شارالاردى قاراستىرىپ جاتىر.

- اۆتوموبيل جولدارىنىڭ ساقتالۋىن قامتاماسىز ەتۋ ماقساتىندا كولىكتىك باقىلاۋدى كۇشەيتۋ جانە زاڭنامانى جەتىلدىرۋ جونىندەگى جۇمىستار جالعاساتىن بولادى، - دەلىنگەن مينيسترلىك حابارلاماسىندا.

Abai.kz