قازاقستان رەسپۋبليكاسىنىڭ مادەنيەت جانە اقپارات ءمينيسترى ارمان قىرىقباەۆ الماتىعا جۇمىس ساپارى اياسىندا مۇحتار اۋەزوۆ اتىنداعى قازاق ۇلتتىق دراما تەاترىنا بارىپ، عيماراتتى قايتا جاڭعىرتۋ جۇمىستارىنىڭ بارىسىمەن تانىستى.

مينيسترگە قۇرىلىس-مونتاج جۇمىستارىنىڭ قازىرگى كەزەڭى مەن تەاتردى تەحنيكالىق جابدىقتاۋ جونىندە مالىمەت بەرىلدى. جۇمىس ساپاسىنا، قۇرىلىس تالاپتارىنىڭ ساقتالۋىنا جانە قايتا جاڭعىرتۋدى بەلگىلەنگەن مەرزىمدە اياقتاۋ ماسەلەسىنە ايرىقشا نازار اۋدارىلدى.

بيىل تەاتردىڭ قۇرىلعانىنا 100 جىل تولادى. قايتا جاڭعىرتۋ كەزىندە عيماراتتىڭ تاريحي-ساۋلەتتىك كەلبەتىن ساقتاپ، ارتىستەردىڭ شىعارماشىلىق جۇمىسىنا جانە كورەرمەنگە قولايلى جاعداي جاساۋ كوزدەلگەن. بۇل رەتتە ساحنا ونەرىنىڭ زاماناۋي تالاپتارى، قاۋىپسىزدىك پەن تەحنيكالىق جابدىقتاۋ ماسەلەلەرى ەسكەرىلەدى.

جوبانىڭ ورىندالۋى قازاقستان رەسپۋبليكاسى مادەنيەت جانە اقپارات مينيسترلىگىنىڭ باقىلاۋىندا.

Abai.kz