پرەمەر-مينيستر ولجاس بەكتەنوۆ «سامۇرىق-قازىنا» ديرەكتورلار كەڭەسىنىڭ وتىرىسىندا ينۆەستيتسيالىق جوبالاردىڭ ۋاقىتىندا جۇزەگە اسىرىلماي جاتقانىن العا تارتىپ، قور مەن ونىڭ ەنشىلەس كومپانيالارىنىڭ باسشىلارىن سىنادى.

ۇكىمەتتىڭ ءباسپاسوز قىزمەتىنىڭ حابارلاۋىنشا، ول بەلگىلەنگەن مەرزىمدەردىڭ ساقتالۋىن باقىلاۋدى كۇشەيتۋدى، سونداي-اق جوبالاردى جۇزەگە اسىرۋ شەڭبەرىندە ساتىپ الىناتىن تاۋارلارداعى، جۇمىستار مەن كورسەتىلەتىن قىزمەتتەردەگى جەرگىلىكتى قامتۋ ۇلەسىن ۇلعايتۋ جۇمىستارىن جالعاستىرۋدى تاپسىردى.

بۇعان قوسا، جۇزەگە اسىرىلىپ جاتقان جوبالاردى، ونىڭ ىشىندە تۇركىستان، قىزىلوردا، الماتى جانە ەكىباستۇز قالالارىندا ءوندىرۋشى قۋاتتاردى ىسكە قوسۋ، گاز وڭدەۋ زاۋىتتارىن سالۋ جونىندەگى جوبالاردى ۋاقتىلى پايدالانۋعا بەرۋدى كۇشەيتىلگەن باقىلاۋعا الۋدى جۇكتەدى.

جيىندا ايتىلعان دەرەكتەرگە سۇيەنسەك، 2026 جىلدىڭ 9 ايىندا قور كىرىسى 13%-عا، ال تازا پايداسى 19%-عا وسكەن.

جالپى، قور جالپى قۇنى 43,8 ترلن تەڭگەنى قۇرايتىن 69 ءىرى ينۆەستيتسيالىق جوبانى جۇزەگە اسىرىپ جاتىر. ونىڭ 44-ىندە قۇرىلىس-جوندەۋ جۇمىستارى جۇرگىزىلۋدە، ال قالعاندارى ءتۇرلى دايىندىق كەزەڭدەرىندە تۇر.

Abai.kz