ەل پرەزيدەنتى قاسىم-جومارت توقاەۆ «جاڭا تاريحي كەزەڭدەگى قازاقستاننىڭ وزەكتى مىندەتتەرى» اتتى كەزەكتى جولداۋىندا ەگەمەندىك پەن تۇراقتىلىق ماسەلەسىنە توقتالا كەلىپ، پاتريوتيزم، بىرلىك پەن تۇراقتىلىق قۇندىلىقتارى، قازاقستان رەسپۋبليكاسىنىڭ مەملەكەتتىك رامىزدەرىنە ۇقىپتى جانە قۇرمەتپەن قاراۋ جايلى دا توقتالا كەتكەن بولاتىن.

مۇندا مەملەكەت باسشىسى تاۋەلسىزدىكتىڭ 35 جىلدىعى قارساڭىندا ەلجاندىلىق پەن وتانشىلدىق قاسيەتتەرى ەلدىگىمىز بەن ەگەمەندىگىمىزدىڭ ىرگەتاسى بولىپ تابىلاتىن ەسكەرتىپ ءوتتى.

مەملەكەت باسشىسى بۇگىنگى تاڭدا جاس ۇرپاق وتانشىلدىق سەزىمدى وزگەشە قابىلدايتىنىنا توقتالا كەلىپ، بۇل باعىتتا ءبىرىنشى ورىنعا جاسامپازدىق ۇعىمى شىعاتىنىنا توقتالعان. دەمەك، ولار شىن ءپاتريوتيزمنىڭ ءمانى ءداستۇرلى شەڭبەردەن شىعىپ، جاڭاشىلدىققا، وركەنيەت دامۋىنداعى وزىق تەحنولوگيالاردى يگەرۋگە جانە ەرتەڭگى كۇنگە باتىل قادام جاساۋعا ۇمتىلۋ دەپ قابىلدايدى.

دەمەك، ولار ءۇشىن وتاندى ءسۇيۋ دەگەنىمىز – قۇرعاق ءسوز ايتۋ ەمەس، حالىققا پايداسى تيەتىن جاڭالىق اشۋ، باسەكەگە قابىلەتتى ءونىم شىعارۋ جانە مەملەكەتتى العا سۇيرەۋمەن ايقىندالادى. بۇل ماسەلەدە وسىعان دەيىن قوعامدا ۇلكەن قولداۋ تاپقان ەكولوگيالىق مادەنيەتتى قالىپتاستىرۋ، سونىڭ ءىشىندى – ءوزىڭ جۇرگەن جەرگە، كوشەگە قوقىس تاستاماۋ، جاسىل جەلەك ەگۋ، تابيعاتقا قامقورلىقپەن قاراۋ – شىنايى ءپاتريوتيزمنىڭ ايقىن كورىنىسى بولسا كەرەك. بۇل ايتىلعاندار ەل كولەمىندە وتكىزىلىپ كەلە جاتقان «تازا قازاقستان» تۇجىرىمداماسىمەن جۇپتاسىپ جاتقانى ايقىن.

ەل تاۋەلسىزدىگىنىڭ 35 جىلدىعى قارساڭىندا تاۋەلسىزدىگىمىزدىڭ مىزعىماس ىرگەتاسى بولىپ تابىلاتىن كونستيتۋتسيانى قۇرمەتتەۋ دە ۇلتجاندىلىق پەن وتانسۇيگىشتىكتىڭ كورىنىسى بولىپ قالماق.

Abai.kz