«تازا قازاقستان» جالپىۇلتتىق ەكولوگيالىق اكتسياسى اياسىندا «EcoHackathon Jetisu: جاسىل بولاشاق» ەكولوگيالىق حاكاتونى ۇيىمداستىرىلدى.

ءىس-شارانىڭ باستى ماقساتى – جاستاردىڭ ەكولوگيالىق مادەنيەتىن قالىپتاستىرۋ، قورشاعان ورتانى قورعاۋعا دەگەن جاۋاپكەرشىلىگىن ارتتىرۋ، تابيعاتتى ساقتاۋ باعىتىندا تىڭ يدەيالار مەن يننوۆاتسيالىق جوبالاردى ازىرلەۋگە ىنتالاندىرۋ بولدى. سونىمەن قاتار جاستاردىڭ شىعارماشىلىق جانە زياتكەرلىك الەۋەتىن دامىتۋعا، ەكولوگيالىق ماسەلەلەردى شەشۋگە باعىتتالعان باستامالارىن قولداۋعا باسىمدىق بەرىلدى.

- حاكاتون بارىسىندا قاتىسۋشىلار كوماندالارعا ءبولىنىپ، تابيعاتتى قورعاۋ جانە ەكولوگيالىق قاۋىپسىزدىكتى قامتاماسىز ەتۋ باعىتىنداعى وزەكتى ماسەلەلەردى تالقىلادى. اتاپ ايتقاندا، قورشاعان ورتانىڭ لاستانۋىن ازايتۋ، تۇرمىستىق قالدىقتاردى سۇرىپتاۋ جانە قايتا وڭدەۋ، سۋ رەسۋرستارىن ۇنەمدەۋ، اۋماقتاردى كوگالداندىرۋ، جاسىل تەحنولوگيالاردى ەنگىزۋ جانە ەكولوگيالىق مادەنيەتتى قالىپتاستىرۋ تاقىرىپتارى بويىنشا جوبالار ازىرلەدى.

قاتىسۋشىلار ءوز يدەيالارىن ناقتى جوبالىق ۇسىنىستارعا اينالدىرىپ، ولاردىڭ تيىمدىلىگى مەن جۇزەگە اسىرۋ مۇمكىندىكتەرىن تانىستىردى. سونداي-اق كوماندالىق جۇمىس، كرەاتيۆتى ويلاۋ، ماسەلەنى تالداۋ جانە ونى شەشۋدىڭ وڭتايلى جولدارىن ۇسىنۋ داعدىلارىن كورسەتتى.

حاكاتون جاستاردىڭ ەكولوگيالىق ماسەلەلەردى تالقىلاپ قانا قويماي، ولاردى شەشۋگە باعىتتالعان ناقتى باستامالار مەن پراكتيكالىق ۇسىنىستار ازىرلەۋىنە مۇمكىندىك بەردى. ۇسىنىلعان جوبالار ءوڭىردىڭ ەكولوگيالىق احۋالىن جاقسارتۋعا جانە تابيعاتتى قورعاۋ مادەنيەتىن دامىتۋعا باعىتتالدى، - دەدى «Tomorrow School Taldykorgan» دەپارتامەنتىنىڭ مەنتورى ارسەن ورىنباس.

Abai.kz