قازاقستان رەسپۋبليكاسىنىڭ مادەنيەت جانە اقپارات ءمينيسترى ارمان قىرىقباەۆ فرانتسيا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى سيلۆان گيوگەمەن كەزدەستى.

تاراپتار قازاقستان مەن فرانتسيانىڭ مادەنيەت پەن ونەر سالاسىنداعى ىنتىماقتاستىعىن كەڭەيتۋ مۇمكىندىكتەرىن تالقىلادى. اتاپ ايتقاندا، بىرلەسكەن جوبالاردى جۇزەگە اسىرۋ، كورمەلەر مەن تەاتر گاسترولدەرىن ۇيىمداستىرۋ، كاسىبي تاجىريبە الماسۋ ماسەلەلەرى قارالدى.

كەزدەسۋ بارىسىندا ارمان قىرىقباەۆ ەكى ەل اراسىنداعى قارىم-قاتىناستىڭ قارقىندى دامىپ، مادەني-گۋمانيتارلىق بايلانىستىڭ جۇيەلى تۇردە نىعايىپ كەلە جاتقانىن اتاپ ءوتتى.

مۋزەي ءىسى مەن كينەماتوگرافيا سالاسىنداعى ىنتىماقتاستىققا ەرەكشە كوڭىل ءبولىندى. بىرلەسىپ فيلم ءتۇسىرۋ، فرانتسۋز فيلمدەرىن قازاق تىلىنە، قازاقستاندىق فيلمدەردى فرانتسۋز تىلىنە دۋبلياجداۋ ماسەلەلەرى ءسوز بولدى.

فرانتسيا ەلشىسى قازاقستاننىڭ مادەني مۇرانى قورعاۋ جونىندەگى حالىقارالىق اليانسقا (ALIPH) قوسىلۋىنا مۇددەلى ەكەنىن جەتكىزدى. ارمان قىرىقباەۆ مادەني مۇرانى ساقتاۋ سالاسىنداعى حالىقارالىق ىنتىماقتاستىقتى دامىتۋدىڭ ماڭىزىن اتاپ ءوتتى. ءمينيستردىڭ ايتۋىنشا، ۇيىمنىڭ كوپجاقتى مادەني ىنتىماقتاستىقتاعى ەلەۋلى ءرولىن ەسكەرە وتىرىپ، قازاقستاننىڭ وعان قاتىسۋ مۇمكىندىگىنە ايرىقشا نازار اۋدارىپ، بۇل ماسەلەنى جان-جاقتى زەردەلەۋ قاجەت.

كەزدەسۋ قورىتىندىسىندا تاراپتار مادەني-گۋمانيتارلىق بايلانىستى ودان ءارى نىعايتۋعا جانە ەكىجاقتى ارىپتەستىكتى دامىتۋعا دايىن ەكەنىن ءبىلدىردى.

Abai.kz