«قۇقىقتىق ءتارتىپ وزىمنەن باستالادى» اكتسياسى اياسىندا قاراعاندى قالاسى اكىمدىگىنىڭ قولداۋىمەن قالانىڭ ساۋدا نىساندارىندا حالىقتىڭ قۇقىقتىق ساۋاتتىلىعىن ارتتىرۋعا، ازاماتتاردىڭ قۇقىقتارىن قورعاۋعا، قۇقىق بۇزۋشىلىقتار مەن ينتەرنەت-الاياقتىقتىڭ الدىن الۋعا باعىتتالعان «قۇقىقتىق ءدارىحانا» پروفيلاكتيكالىق ءىس-شاراسى ءوتتى.

ءىس-شارا قالانىڭ ەكى الاڭىندا: «تاير» ساۋدا ءۇيى مەن «گلوبال» ساۋدا ورتالىعىندا ۇيىمداستىرىلدى.

اكتسيا بارىسىندا 150-دەن استام ادام تەگىن زاڭگەرلىك كەڭەس الدى. قالا تۇرعىندارى مەن قوناقتارىنا وزەكتى قۇقىقتىق ماسەلەلەر، ءوز قۇقىقتارىن قورعاۋ جولدارى، الاياقتىق ارەكەتتەردىڭ الدىن الۋ جانە قازاقستان رەسپۋبليكاسىنىڭ زاڭناماسىن ساقتاۋ بويىنشا تۇسىندىرمەلەر بەرىلدى.

ينتەرنەت-الاياقتىقتىڭ الدىن الۋعا، ازاماتتاردىڭ قۇقىقتىق حاباردارلىعىن ارتتىرۋعا جانە زاڭ تالاپتارىن ساقتاۋعا جاۋاپكەرشىلىكپەن قاراۋ مادەنيەتىن قالىپتاستىرۋعا ەرەكشە نازار اۋدارىلدى.

وسىنداي ءىس-شارالاردى وتكىزۋ حالىقتىڭ قۇقىقتىق مادەنيەتىن ارتتىرۋعا، ازاماتتاردىڭ قۇقىقتىق ساناسىن نىعايتۋعا جانە «زاڭ مەن ءتارتىپ» قاعيداتىن ىلگەرىلەتۋگە ىقپال ەتەدى.

Abai.kz