ۇقك-دا اۋىس-ءتۇيىس: ساعىمباەۆ كەتىپ، يرمەنوۆ كەلدى...
بۇگىن مەملەكەت باسشىسى قاسىم-جومارت توقاەۆ جارلىق شىعارىپ، قر ۇلتتىق قاۋىپسىزدىك كوميتەتى باسشىسىن اۋىستىردى.
ەرمەك ساعىمباەۆ قىزمەتىنەن الىنىپ، ورنىنا مارات يرمەنوۆ تاعايىندالدى.
اقوردا جارلىعىندا:
«مەملەكەت باسشىسىنىڭ جارلىعىمەن ەرمەك الدابەرگەنۇلى ساعىمباەۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى لاۋازىمىنان بوساتىلدى»، - دەپ جازىلعان.
بۇرىن مەملەكەتتىك كۇزەت قىزمەتىن باسقارعان ەرمەك الدابەرگەنۇلى ساعىمباەۆ قر ۇقك تىزگىنىن 2022 جىلودىڭ قاڭتارىنان باستاپ ۇستاعان.
تاعايىنداۋ تۋرالى جارلىقتا:
«مەملەكەت باسشىسىنىڭ جارلىعىمەن مارات عاتاۇللاۇلى يرمەنوۆ قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى»، - دەپ جازىلعان.
ال مارات يرمەنوۆ 2025 جىلدىڭ قازان ايىنان بەرى قر ۇقك توراعاسىنىڭ ورىنباسارى قىزمەتىن اتقارىپ كەلگەن.
Abai.kz