سارسەنبى, 18 قاراشا 2026
جاڭالىقتار 74 0 پىكىر 18 قاراشا, 2026 ساعات 15:30

WTA: ەلەنا رىباكينانى الەمنىڭ ۇزدىك تەننيسشىسى

سۋرەت: informsports.kz سايتىنان الىندى.

ايەلدەر تەننيسى قاۋىمداستىعى (WTA) قازاقستاندىق تەننيسشى ەلەنا رىباكينانىڭ تاريحي جەتىستىگىن رەسمي تۇردە راستادى.

ول مانسابىندا العاش رەت ماۋسىمدى الەمدىك رەيتينگتىڭ كوشباسشىسى رەتىندە اياقتادى.

WTA ۇيىمىنىڭ Instagram جەلىسىندەگى رەسمي پاراقشاسىندا 27 جاستاعى قازاقستاندىق سپورتشىنىڭ جىل قورىتىندىسى بويىنشا الەمنىڭ ءبىرىنشى راكەتكاسىنا تابىستالاتىن ارنايى تروفەيمەن تۇسكەن سۋرەتى جاريالاندى.

«الەمنىڭ ۇزدىگى! ەلەنا رىباكينا مانسابىندا العاش رەت جىل قورىتىندىسى بويىنشا WTA رەيتينگىنىڭ ءبىرىنشى راكەتكاسى اتاندى!» – دەلىنگەن ۇيىمنىڭ رەسمي حابارلاماسىندا.

2026 جىل ەلەنا رىباكينانىڭ سپورتتىق مانسابىنداعى ەڭ تابىستى ماۋسىم بولدى. قازاقستاندىق تەننيسشى بيىل «ۇلكەن دۋلىعا» ساناتىنداعى ەكى ءىرى تۋرنيردە – Australian Open جانە US Open جارىستارىندا چەمپيون اتاندى.

دەنساۋلىعىنا بايلانىستى ينديان-ۋەللستە وتكەن WTA قورىتىندى تۋرنيرىنەن باس تارتۋعا ءماجبۇر بولعانىنا قاراماستان، رىباكينا الەمدىك رەيتينگتەگى كوشباسشىلىعىن ساقتاپ قالدى.

ماۋسىم قورىتىندىسى بويىنشا قازاقستاندىق سپورتشى 8099 رەيتينگتىك ۇپاي جيناپ، ءبىرىنشى ورىنعا تۇراقتادى. ال قورىتىندى ءتۋرنيردىڭ جەڭىمپازى، رەسەيلىك ميررا اندرەەۆا 7806 ۇپايمەن ەكىنشى ورىنعا جايعاستى.

Abai.kz

0 پىكىر