«جاقىندا جايلى ورنىنان كەتەدى ەكەن» دەگەن سىبىس مازالاپ ءجۇر مە كىم ءبىلسىن، ۇكىمەتتىڭ كەشەگى جايما-شۋاق وتىرىسىنا پرەمەر-مينيستر كارىم ءماسىموۆ تىم كوڭىلسىز كىردى. ءبىر قىزىعى مۇرتتى مىرزانىڭ امان-ساۋلىعىنان كەيىن وتىرىس باستان-اياق قازاق تىلىندە جالعاسىپ كەتكەن. الايدا وتىرىس اياقتالۋعا از قالعاندا «قوس مۇرتتىڭ» ياعني، ۆانكۋۆەردەن ورالعان تۋريزم جانە سپورت ءمينيسترى تەمىرحان دوسمۇحامبەتوۆ پەن پرەمەردىڭ «پرەمەراسى» وتىرىستىڭ اۋانىن رەسمي تىلگە ءتۇسىرىپ جىبەردى.

«جاقىندا جايلى ورنىنان كەتەدى ەكەن» دەگەن سىبىس مازالاپ ءجۇر مە كىم ءبىلسىن، ۇكىمەتتىڭ كەشەگى جايما-شۋاق وتىرىسىنا پرەمەر-مينيستر كارىم ءماسىموۆ تىم كوڭىلسىز كىردى. ءبىر قىزىعى مۇرتتى مىرزانىڭ امان-ساۋلىعىنان كەيىن وتىرىس باستان-اياق قازاق تىلىندە جالعاسىپ كەتكەن. الايدا وتىرىس اياقتالۋعا از قالعاندا «قوس مۇرتتىڭ» ياعني، ۆانكۋۆەردەن ورالعان تۋريزم جانە سپورت ءمينيسترى تەمىرحان دوسمۇحامبەتوۆ پەن پرەمەردىڭ «پرەمەراسى» وتىرىستىڭ اۋانىن رەسمي تىلگە ءتۇسىرىپ جىبەردى.

2010 جىلعا ارنالعان رەسپۋبليكالىق بيۋدجەتتىڭ ناقتىلانعان زاڭ جوباسىن قولتىقتاپ كەلگەن ەكونوميكا جانە بيۋدجەتتىك جوسپارلاۋ ءمينيسترى باقىت سۇلتانوۆ ءبىر اۋىز ورىسشا ءسوز قوسپاستان باستان-اياق مەملەكەتتىك تىلدە بايانداما جاسادى. ونىڭ ايتۋىنشا، 2010 جىلى قازاقستان ەكونوميكاسىنىڭ ءوسۋى 2 پايىز دەڭگەيىندە بولادى ەكەن. ونەركاسىپ ءونىمىنىڭ كولەمى دە جامان بولمايتىن سياقتى. «وسى جىلى بولجام بويىنشا ونەركاسىپ ءونىمىنىڭ كولەمى 3,3 پايىزعا وسەدى دەپ جوسپارلانىپ وتىر. مۇناي وڭدەۋ كولەمى بۇرىن جوسپارلانعانداي 80 ملن توننادان كەم بولمايدى»، - دەگەن باقىت تۇرلىحانۇلى جىلدىق ينفلياتسيا دەڭگەيى 6-8 پايىز توڭىرەگىندە تۇراقتايتىنىن ايتتى. بۇل شەك بۇرىنعى بولجانعان كورسەتكىشتەرمەن سالىستىرعاندا 1,5 پايىزعا از ەكەنىن ايتا كەتكەن ءجون. ءمينيستردىڭ مالىمدەۋىنشە، بۇعان الەمدىك تاۋار نارىعىنداعى وڭ باعا سەرپىنى مەن مۇناي باعاسىنىڭ ء(بىر باررەلى) 50 دوللاردان 65 اقش دوللارىنا دەيىن كوتەرىلۋى سەبەپ بولعان-مىس. مينيستر ءسوز سوڭىندا ەل ىشىندە ەكونوميكالىق ماڭىزى جوعارى جەتى باعىتتى قارجىلاندىرۋعا 295,5 ملرد تەڭگە بولىنگەنىن سۇيىنشىلەپ جاتتى.

باس اياعى جەتى مينۋتقا سوزىلعان باياندامادان كەيىن مينيستر ۇسىنعان رەسپۋبليكالىق بيۋدجەتتىڭ ناقتىلانعان زاڭ جوباسى قابىلدانىپ تىندى. قاباعى تۇسىڭكى پرەمەر-مينيستر قولداعان سوڭ جان بار ما، ۇكىمەت مۇشەلەرى ءبىراۋىزدان ماقۇلداپ داۋىستارىن بەرىپ جىبەردى. «زاڭ جوباسى قابىلداندى، ەندى ونى «نۇر وتان» حالىقتىق دەموكراتيالىق پارتياسىنىڭ قاراۋىنا بەرىپ، سودان كەيىن پارلامەنتكە ەنگىزۋدى تاپسىرامىن»، - دەدى كارىم ءماسىموۆ.

ايتپاقشى، ۇكىمەت مۇشەلەرىنە جاقىندا ماسكەۋدە وتكەن كەدەن وداعى كوميسسياسىنىڭ كەزەكتى وتىرىسىنىڭ ناتيجەسىن بايانداپ بەرۋگە ءسوز العان  پرەمەر-ءمينيستردىڭ ءبىرىنشى ورىنباسارى ومىرزاق شوكەەۆ تە سۇلتانوۆتىڭ «سوقپاعىن» جالعاستىرىپ اكەتتى. مەملەكەتتىك ءتىلدىڭ مەسەلىن جىققىسى كەلمەگەن بولار شوكەەۆ ماسكەۋدەن ويعا تۇيگەندەرىن قازاق تىلىندە بايانداپ بەردى. ونىڭ ايتۋىنشا، كەدەن وداعى اياسىندا باج سالىعىنان قازاقستان بيۋدجەتى ەشقانداي ۇتىلمايدى. «اتالعان وتىرىستا باج سالىعىن ءبولۋ ماسەلەسى ەرەكشە قارالدى. ءبىزدىڭ ۇلەسىمىز وسى ءبىر سالىق تابىسىنان تۇسكەن پايدانىڭ 7,36 پايىزىن قۇرايتىن بولادى. ياعني، بىلتىرعى جىلمەن سالىستىرعاندا ەكى ەسە كوپ باج سالىعى تۇسەدى دەگەن ءسوز. سوندىقتان بيۋدجەت ەشقانداي ۇتىلىسقا ۇشىرامايدى»، - دەدى ول.

تازا مەملەكەتتىك تىلدە ءوتىپ جاتقان وتىرىستى تۋريزم جانە سپورت ءمينيسترى تەمىرحان دوسمۇحامبەتوۆ بۇزدى. سودان كەيىن-اق، وتىرىس رەسمي تىلگە اۋىپ كەتە باردى. «ءبىز وسى جولعى بايراقتى باسەكەدەن كۇمىس مەدالمەن ورالدىق. بۇل اراعا 12 جىل سالىپ بارىپ  قول جەتكىزگەن جەتىستىك»، - دەپ ورىسشا بۇرقىراتا باستاعان تەمىرحان دوسمۇحامبەتوۆ كوپ ۇزاماي توسىلىپ قالدى.  ونى قورقىتقان ۆانكۋۆەردەگى ازيالىق ويىنشىلاردىڭ ەكپىنى بولىپ شىقتى. «ۆانكۋۆەردەگى وليمپيادا ويىندارى ازياداعى سپورتتىڭ شىن مانىندە كۇشەيگەنىن كورسەتىپ وتىر. ازيا قۇرلىعىنىڭ وزگە مەملەكەتىنەن كەلگەن سپورتشىلار ازۋلى اقش، رەسەي، كورەيا، قىتاي سپورتشىلارىنىڭ الدىن وراپ كەتىپ وتىردى. الداعى قىسقى ازيا ويىندارىندا بىزدەر ءۇشىن ولارمەن باسەكەلەسۋ قيىنعا تۇسەدى. دەيتۇرعانمەن ءبىز جۇلدەلى ورىندار ءۇشىن تالاساتىن بولامىز»، - دەدى تەمىرحان دوسمۇحامبەتوۆ

نۇراتايدىڭ بالاسى