الماتى. 1 ناۋرىز. قازتاگ – ديليارام اركين. «On travel» تۋريستىك كومپانياسىنىڭ باس ديرەكتورى ناتاليا ليننيك ەگيپەتتە سەگىز قازاقستاندىق تۋريسكە بايلانىستى بولعان وقيعاعا قاتىستى جاۋاپكەرشىلىكتى وزىنە الماي وتىر.

قازاقستاندىقتار، قولدارىندا ۆيزا بولماعاندىقتان، كاير اۋەجايىنىڭ شەكاراسىنان وتكىزىلمەي، ەكى تاۋلىكتەي سول جەردە ۇستالىندى. تۋريستەردىڭ قولىندا ۆيزانىڭ ورنىندا تۋروپەراتوردىڭ ىلەسپە حاتى  عانا بار بولاتىن.

ن.ليننيك بۇعان قازاقستاننىڭ ەگيپەتتەگى ەلشىلىگىنىڭ قىزمەتكەرلەرى كىنالى دەيدى.

«بۇل جەردە ءبىزدىڭ كىنامىز جوق دەپ ەسەپتەيمىن. بۇل جاعدايدا قازاقستاننىڭ ەگيپەتتەگى ەلشىلىگىنىڭ قىزمەتكەرلەرى كىنالى»، -دەپ مالىمدەدى ن.ليننيك دۇيسەنبى كۇنى قازتاگ تىلشىسىمەن تەلەفون ارقىلى بولعان اڭگىمەدە.

ونىڭ ايتۋىنشا، «ەگيپەتتىڭ قازاقستانداعى ەلشىسى قول قويعان رەسمي حاتتاما بويىنشا (2009 جىلدىڭ قاراشا ايىنداعى №640 حاتتاما), قازاقستان ازاماتتارى ۆيزانى ەگيپەتتىڭ ەلشىلىگىندە نەمەسە وسى ەلگە كەلگەن بەتتە الۋىنا بولادى».

ءدال وسى كەزدە قازاقستان تۇتىنۋشىلارىنىڭ ۇلتتىق ليگاسى ءباسپاسوز-پاراقشاسىن تاراتىپ، وندا اۋەجاي كامەراسىندادا بولعان كەزدە قازاقستاندىقتارعا تاماق بەرىلمەگەنىن، تۋريستىك فيرما تاراپىنان دا، قر ەگيپەتتەگى كونسۋلدىعى تاراپىنان دا ولارعا ەشقانداي كومەك كورسەتىلمەگەندىگىن حابارلادى.

الماتى. 1 ناۋرىز. قازتاگ – ديليارام اركين. «On travel» تۋريستىك كومپانياسىنىڭ باس ديرەكتورى ناتاليا ليننيك ەگيپەتتە سەگىز قازاقستاندىق تۋريسكە بايلانىستى بولعان وقيعاعا قاتىستى جاۋاپكەرشىلىكتى وزىنە الماي وتىر.

قازاقستاندىقتار، قولدارىندا ۆيزا بولماعاندىقتان، كاير اۋەجايىنىڭ شەكاراسىنان وتكىزىلمەي، ەكى تاۋلىكتەي سول جەردە ۇستالىندى. تۋريستەردىڭ قولىندا ۆيزانىڭ ورنىندا تۋروپەراتوردىڭ ىلەسپە حاتى  عانا بار بولاتىن.

ن.ليننيك بۇعان قازاقستاننىڭ ەگيپەتتەگى ەلشىلىگىنىڭ قىزمەتكەرلەرى كىنالى دەيدى.

«بۇل جەردە ءبىزدىڭ كىنامىز جوق دەپ ەسەپتەيمىن. بۇل جاعدايدا قازاقستاننىڭ ەگيپەتتەگى ەلشىلىگىنىڭ قىزمەتكەرلەرى كىنالى»، -دەپ مالىمدەدى ن.ليننيك دۇيسەنبى كۇنى قازتاگ تىلشىسىمەن تەلەفون ارقىلى بولعان اڭگىمەدە.

ونىڭ ايتۋىنشا، «ەگيپەتتىڭ قازاقستانداعى ەلشىسى قول قويعان رەسمي حاتتاما بويىنشا (2009 جىلدىڭ قاراشا ايىنداعى №640 حاتتاما), قازاقستان ازاماتتارى ۆيزانى ەگيپەتتىڭ ەلشىلىگىندە نەمەسە وسى ەلگە كەلگەن بەتتە الۋىنا بولادى».

ءدال وسى كەزدە قازاقستان تۇتىنۋشىلارىنىڭ ۇلتتىق ليگاسى ءباسپاسوز-پاراقشاسىن تاراتىپ، وندا اۋەجاي كامەراسىندادا بولعان كەزدە قازاقستاندىقتارعا تاماق بەرىلمەگەنىن، تۋريستىك فيرما تاراپىنان دا، قر ەگيپەتتەگى كونسۋلدىعى تاراپىنان دا ولارعا ەشقانداي كومەك كورسەتىلمەگەندىگىن حابارلادى.

بۇدان بولەك، كامەرادا ولار اۋىر حالدەگى سىرقاتتارمەن بىرگە انتيسانيتاريالىق جاعدايلاردا بولعان. كۇزەتشىلەردەن ناقتى اقشاعا ساتىپ العان تاماقتىڭ ءوزىن ولار ەدەنگە لاقتىرىپ وتىرعان.

ن.ليننيكتىڭ ايتۋىنشا، «On travel» كومپانياسىنىڭ ەگيپەتتىك سەرىكتەستەرى ۇستالعان قازاقستاندىقتارمەن كەزدەسۋگە بىرنەشە مارتە ارەكەتتەنگەن.

«بىراق ءبىزدىڭ ەگيپەتتىك ارىپتەستەرىمىزدى ولارعا جىبەرمەي قويعان. ميگراتسيالىق پوليتسيا تەك ءبىر نارسەگە عانا، لانچ-پاكەتتەردى بەرۋگە رۇقسات ەتكەن. سونىمەن بىرگە بىزگە بەلگىلىسى، ءبىزدىڭ تۋريستەرىمىز قازاقستاننىڭ ەگيپەتتەگى ەلشىلىگىنىڭ قىزمەتكەرلەرىنەن كومەك سۇراعان. بىراق، ەلشىلىك قىزمەتكەرى ولاردى بوساتۋ ماسەلەسىمەن دە، قوناق ۇيگە ورنالاستىرۋ جايىمەن دە، تاماقتاندىرۋ ماسەلەسىمەن دە اينالىسپاعان»، -دەپ اشۋ ءبىلدىردى ن.ليننيك.

ول سونىمەن بىرگە، قازاقستاندىق تۋريستەردى نە ءۇشىن كامەرالاردا ۇستاعاندارىن دا تۇسىنبەيدى.

«كەلىسىم بويىنشا قازاقستاندىق تۋريستەر ترانزيتتىك ايماقتا بولدى، سوندىقتان ولار اۋەجايدىڭ جانە Duty free قىزمەتىن پايدالانۋى ءتيىس ەدى. ولاردىڭ نە ءۇشىن تۇتقىندا وتىرعاندىعىن تۇسىنە الار ەمەسپىز. بۇل تەك ءبىزدىڭ كومپانيانىڭ عانا ەمەس، بۇكىل قازاقستاندىق تۋروپەراتورلاردىڭ ماسەلەسى ەكەندىگىن ەسەپكە الا وتىرىپ قازىر ءبىز بۇل ماسەلەمەن اينالىسىپ جاتىرمىز»، -دەدى تۋرفيرما باسشىسى.

ول، سونىمەن بىرگە، قازاقستاندىقتاردى دەپورتاتسيالاۋ كەزىندە ميگراتسيالىق قىزمەتتەر تاراپىنان دا، قازاقستاننىڭ ەگيپەتتەگى ەلشىلىگى تاراپىنان دا رەسمي قۇجاتتاردىڭ ءتيىستى دارەجەدە راسىمدەلمەگەنىن ايتتى.

«ەگيپەت تاراپى ولاردى الماتىعا ەمەس، ماسكەۋگە دەپورتاتسيالادى. نەگە ەكەندىگى بەلگىسىز، قازاقستاننىڭ ەلشىلىگى ولاردى بىردەن الماتىعا دەپورتاتسيالاۋعا ىقپال ەتكەن جوق. بىزگە ازاماتتارىمىزدىڭ رەسەيدەن قازاقستانعا ۇشىپ كەلۋ جولىن تولەۋىمىزگە تۋرا كەلدى»، -دەپ اتاپ ءوتتى ن.ليننيك.

ونىڭ ايتۋىنشا، ەگيپەتتەگى قازاقستاندىق سەگىز تۋريسكە قاتىستى جاعداي ءبىرىنشى رەت بولىپ وتىرعان جوق.

ءبىزدىڭ ازاماتتارىمىزعا قاتىستى ءدال وسىنداي جاعداي وتكەن ماۋسىمدا دا ورىن الدى. كوپتەگەن ادامدار ەگيپەتتەن دەپورتاتسيالاندى»، -دەدى ول.

وسىعان بايلانىستى قر ءسىم ءباسپاسوز-حاتشىسى ءىلياس وماروۆتىڭ ايتۋىنشا، 2006 جىلعى 7 قاراشاداعى ۇكىمەتارالىق كەلىسىمگە سايكەس، ەگيپەتكە ۆيزاسىز تەك ديپلوماتيالىق تولقۇجات يەلەرى بارا الادى. ونىڭ وزىندە بۇل كەلىسىم 2008 جىلدىڭ 21 ناۋرىزىندا عانا ءىس جۇزىنە استى. وزگە ادامدار ءۇشىن تەك ۆيزا ارقىلى عانا كىرۋگە بولادى.

«ەگەر تۋروپەراتورلار بۇل زاڭدى ەلەمەي، شەكاراشىلارمەن وزدەرى كەلىسكەن بولسا – بۇل ولاردىڭ شارۋاسى. وزدەرىمەن بىرگە الىپ جۇرگەن ادامداردىڭ جاي-كۇيى مەن قاۋىپسىزدىگى ءۇشىن سولار جاۋاپ بەرەدى. تۋريستەردىڭ ءبىر بولىگىنە ەگيپەتتىڭ ەلشىلىگىندە ۆيزا راسىمدەگەن كەزدە «قالعاندارىن ۆيزاسىز اپارا بەرىڭدەر» دەپ ايتپاعانى انىق. ەگەر تۋروپەراتورلار ەڭ باستى نارسەنى - وزدەرى ادامداردى الىپ بارا جاتقان ەلدەردىڭ زاڭىن بىلمەيتىن بولسا، وندا مۇنداي تۋرفيرمالارمەن بارۋدىڭ قاجەتى دە جوق. ايتپەسە، وسى جولعىداي، پيراميدالار مەن فاراونداردىڭ ورنىنا ولار شەكارا قىزمەتى قىزمەتكەرىنىڭ تەرەزەسى مەن اۋەجاي قابىرعالارىنان وزگە ەشنارسە كورمەيدى. زاڭنىڭ اتى زاڭ»، -دەپ ءتۇسىندىردى ءى.وماروۆ «مەگاپوليس» گازەتىنە.

ونىڭ ايتۋىنشا، «بۇل ەلگە سانالى تۇردە زاڭسىز كىرگەن قازاقستاندىقتارعا ديپلوماتتار ۆيزا جاساپ بەرە المايدى».

«دوستاس بوتەن ەلدىڭ اۋماعىندا بولعان كەزدە ءبىز دە، تۋريستەر دە بۇل ەلدىڭ زاڭدارىن قۇرمەتتەۋگە مىندەتتىمىز. ونىڭ ۇستىنە، تۋريستەردەن اقشا الىپ، كەلىسىمگە سايكەس ولاردىڭ جايلىلىعى مەن قاۋىپسىزدىگى ءۇشىن وزىنە جاۋاپكەرشىلىك العان تۋرفيرما باسشىسى بار. بىراق ول بۇلاي جاساۋعا بولمايتىنىن بىلە تۇرا تۋريستەردى ۆيزاسىز الىپ كەلگەن. لوگيكاعا سايكەس، وسىنىڭ بارلىعى ءۇشىن سونىڭ ءوزى جاۋاپ بەرىپ، ءوز پروبلەماسىن شەشۋى كەرەك. ايتپاقشى، بۇل ءبىرىنشى رەت بولىپ وتىرعان وقيعا ەمەس. بىراق  نەگە ەكەندىگى بەلگىسىز، ول وتاندىق تۋروپەراتورلارعا دا، تۋريستەردىڭ وزدەرىنە دە ساباق بولار ەمەس»، -دەپ اتاپ ءوتتى ءسىم وكىلى.