الماتى. 2 ناۋرىز. قازتاگ– وزبەكستان رەسپۋبليكاسىنىڭ دەنساۋلىق ساقتاۋ مينيسترلىگى بالا تۋا الاتىن ايەلدەرگە ەرىكتى تۇردە حيرۋرگيالىق ۇرىقسىزداندىرۋدى (ەحۇ) ىسكە اسىرۋ ءتارتىبىن رەتتەيتىن №40 بۇيرىق شىعاردى، دەپ حابارلادى «فەرعانا.رۋ» اقپاراتتىق اگەنتتىگى.

اگەنتتىك مالىمەتتەرىنشە، ۇكىمەت مۇنداي شاراعا بالا تۋىنىڭ كۇرت ءوسىپ وتىرۋىنا بايلانىستى، كوپ بالالى انالارعا جاردەماقى تولەۋگە بيۋدجەت قاراجاتىنىڭ جەتىسپەۋشىلىگىنەن، بالالاردى ەمدەۋ مەكەمەلەرىندە ورىننىڭ جەتىسپەۋشىلىگىنەن، بوسانعان ايەلدەر مەن نارەستەلەر اراسىنداعى ءولىم-ءجىتىمنىڭ كوپتىگىنەن بارىپ وتىر.

ساراپشىلاردىڭ جۇمىس توبىنىڭ ساراپشىلارى (جتس) انىقتاعانداي، بالا تۋ ۇدەرىسىن رەتتەۋ تەتىگى رەتىندە مۇنداي «ەرىكتى» تۇردەى ۇرىقسىزداندىرۋ بۇكىل وزبەكستان بويىنشا بۇرىندارى دا – 1999-2003 جىلدارى قولدانىلعان. بىراق، تاۋەلسىز باسىلىمداردا بىرقاتار سىن ماقالالار جاريالانعان سوڭ جاپپاي ۇرىقسىزداندىرۋ تاجىريبەسى ۋاقىتشا توقتاتىلدى. بىراق №40-شى بۇيرىق شىققان سوڭ، ەحۇ سالاسىنداعى جۇمىس قايتا جانداندى. ەندى وزبەكستاننىڭ ءار وڭىرىنەن الىنعان مالىمەتتەر بويىنشا ەحۇ بالا تۋدى رەتتەۋدىڭ نەگىزگى تەتىگى رەتىندە قولدانىلادى.  

الماتى. 2 ناۋرىز. قازتاگ– وزبەكستان رەسپۋبليكاسىنىڭ دەنساۋلىق ساقتاۋ مينيسترلىگى بالا تۋا الاتىن ايەلدەرگە ەرىكتى تۇردە حيرۋرگيالىق ۇرىقسىزداندىرۋدى (ەحۇ) ىسكە اسىرۋ ءتارتىبىن رەتتەيتىن №40 بۇيرىق شىعاردى، دەپ حابارلادى «فەرعانا.رۋ» اقپاراتتىق اگەنتتىگى.

اگەنتتىك مالىمەتتەرىنشە، ۇكىمەت مۇنداي شاراعا بالا تۋىنىڭ كۇرت ءوسىپ وتىرۋىنا بايلانىستى، كوپ بالالى انالارعا جاردەماقى تولەۋگە بيۋدجەت قاراجاتىنىڭ جەتىسپەۋشىلىگىنەن، بالالاردى ەمدەۋ مەكەمەلەرىندە ورىننىڭ جەتىسپەۋشىلىگىنەن، بوسانعان ايەلدەر مەن نارەستەلەر اراسىنداعى ءولىم-ءجىتىمنىڭ كوپتىگىنەن بارىپ وتىر.

ساراپشىلاردىڭ جۇمىس توبىنىڭ ساراپشىلارى (جتس) انىقتاعانداي، بالا تۋ ۇدەرىسىن رەتتەۋ تەتىگى رەتىندە مۇنداي «ەرىكتى» تۇردەى ۇرىقسىزداندىرۋ بۇكىل وزبەكستان بويىنشا بۇرىندارى دا – 1999-2003 جىلدارى قولدانىلعان. بىراق، تاۋەلسىز باسىلىمداردا بىرقاتار سىن ماقالالار جاريالانعان سوڭ جاپپاي ۇرىقسىزداندىرۋ تاجىريبەسى ۋاقىتشا توقتاتىلدى. بىراق №40-شى بۇيرىق شىققان سوڭ، ەحۇ سالاسىنداعى جۇمىس قايتا جانداندى. ەندى وزبەكستاننىڭ ءار وڭىرىنەن الىنعان مالىمەتتەر بويىنشا ەحۇ بالا تۋدى رەتتەۋدىڭ نەگىزگى تەتىگى رەتىندە قولدانىلادى.  

قازىرگى ۋاقىتتا ەل وڭىرلەرىندە بالا كوتەرەرلىك جاستاعى ايەلدەر اراسىندا ەحۇ جۇرگىزۋدىڭ قىتايلىق تاجىريبەسىن ەسكە سالاتىن «نورماتيۆتەر» ازىرلەنگەن.  ءوزىن تانىستىرعىسى كەلمەگەن ساراپشىنىڭ ايتۋىنشا، بەگىلەنگەن نورماتيۆ بويىنشا، ايەلدىڭ دەنساۋلىعىن باقىلايتىن ءاربىر ۋچاسكەلىك دارىگەر، اي سايىن ەكى ايەلدى ەحۇ جۇرگىزۋگە «كوندىرۋى» ءتيىس، جانە «ونى كۇيەۋى مەن قايىن ەنەسى بىلمەيتىندەي ەتىپ جۇرگىزۋى ءتيىس، سەبەبى ولار مۇنداي پروتسەدۋراعا مەيلىنشە قارسى شىعۋى مۇمكىن».

مىندەتتى ورىنداماعان جاعدايدا دارىگەردە ۇلكەن پروبلەما تۋىنداپ، سوگىس پەن ايىپپۇل سالىنۋى مۇمكىن.

مامانداردىڭ پىكىرىنشە ەحۇ وتباسىنداعى بالا تۋدى تەجەۋدىڭ ەڭ ءتيىمدى ءتاسىلى، سەبەبى ول جۇكتى بولۋدان ساقتالۋدىڭ ەڭ ءتيىمدى جانە قايتارىمسىز ءادىسى بولىپ تابىلادى.

دارىگەرلەر ەحۇ حيرۋرگيالىق كونتراتسەپتسيانىڭ قاۋىپسىز ءتاسىلى دەيدى. دامىعان دەگەن ەلدەردەگى مالىمەتتەر بويىنشا مۇنداي وپەراتسيادان 100 مىڭ الەۋتتى انانىڭ اراسىندا 10 ءولىم-ءجىتىم وقيعاسى  تىركەلەدى ەكەن.

تاۋەلسىز ساراپشىلار اكىمشىلىك قىسىممەن جۇمىس ىستەپ جاتقان وزبەك دارىگەرلەرى پاتسيەنتتەردى ادەيى شاتاستىرادى دەپ ەسەپتەيدى. كوپتەگەن جاعدايدا ايەلدەردىڭ قايتا قالپىنا كەلمەيتىن وپەراتسياعا كەلىسىم بەرۋى، ولاردىڭ مۇنىڭ نە ەكەندىگى تۋرالى تولىق بىلمەيتىندىگىنە نەگىزدەلەدى. ال بۇل، جتس پىكىرىنشە، زاڭعا قايشى كەلەدى.