ءماجىلىس 2010-2012 جىلدارعا ارنالعان رەسپۋبليكالىق بيۋدجەت تۋرالى زاڭعا ەنگىزىلگەن وزگەرىستەردى ماقۇلدادى.

بيۋدجەتكە ەنگىزىلىپ وتىرعان وزگەرىستەر ەلىمىزدىڭ الەۋمەتتىك-ەكونوميكالىق دامۋىنىڭ ماكروەكونوميكالىق كورسەتكىشتەرىن ناقتىلاۋمەن بايلانىستى جانە مەملەكەت باسشىسىنىڭ اعىمداعى جىلعى جولداۋىندا جۇكتەلگەن تاپسىرمالاردى ىسكە اسىرۋعا باعىتتالادى. سونىمەن بىرگە 2010 جىلعا ارنالعان بيۋدجەتتىڭ پارامەترلەرى الەمدىك تاۋار نارىقتارىنداعى اعىمداعى ۇدەرىستەرمەن قازاقستان ەكونوميكاسى سالالارىنىڭ 2009 جىلعى قاڭتار-جەلتوقسانداعى دامۋى ۇدەرىستەرى نەگىزىندە ناقتىلانعان. ناتيجەسىندە 2010 جىلعا ارنالعان رەسپۋبليكالىق بيۋدجەت كىرىستەرىنىڭ (ترانسفەردتتەر تۇسىمدەرىن ەسەپكە الماعاندا) ناقتىلانعان بولجامى 1 ترلن. 837,5 ملرد. تەڭگە سوماسىندا ايقىندالىپ، بۇل بەكىتىلگەن جوسپارعا قاراعاندا 103,0 ملرد. تەڭگەگە ۇلعايدى. رەسپۋبليكالىق بيۋدجەت كىرىستەرى اعىمداعى جىلدان باستاپ كەدەن وداعى اۋماعىندا قولدانىلاتىن بىرىڭعاي كەدەندىك ءتاريفتىڭ ەنگىزىلۋىنە جانە يمپورت كولەمىنىڭ ۇلعايۋىنا بايلانىستى 61,3 ملرد. تەڭگەگە، نەگىزگى مينەرالدىق شيكىزاتقا الەمدىك باعانىڭ 20 پايىزعا ۇلعايۋى ەسەبىنەن تۇسەتىن تۇسىمدەر بويىنشا 22 ملرد. تەڭگەگە ۇلعايادى. سونىمەن بىرگە بيۋدجەت جوباسىندا الەمدىك تاۋار نارىعىنداعى وڭ باعا سەرپىنىن ەسكەرە وتىرىپ، مۇنايدىڭ الەمدىك باعاسىنىڭ بولجامى باررەلىنە 50-دەن 65 دوللارعا دەيىن ۇلعايتىلادى. مۇنداي ەسەپتەر قازاقستاننىڭ باسقا دا ەكسپورتتىق ۇستانىمدارى بويىنشا كەلتىرىلگەن.

ءماجىلىس 2010-2012 جىلدارعا ارنالعان رەسپۋبليكالىق بيۋدجەت تۋرالى زاڭعا ەنگىزىلگەن وزگەرىستەردى ماقۇلدادى.

بيۋدجەتكە ەنگىزىلىپ وتىرعان وزگەرىستەر ەلىمىزدىڭ الەۋمەتتىك-ەكونوميكالىق دامۋىنىڭ ماكروەكونوميكالىق كورسەتكىشتەرىن ناقتىلاۋمەن بايلانىستى جانە مەملەكەت باسشىسىنىڭ اعىمداعى جىلعى جولداۋىندا جۇكتەلگەن تاپسىرمالاردى ىسكە اسىرۋعا باعىتتالادى. سونىمەن بىرگە 2010 جىلعا ارنالعان بيۋدجەتتىڭ پارامەترلەرى الەمدىك تاۋار نارىقتارىنداعى اعىمداعى ۇدەرىستەرمەن قازاقستان ەكونوميكاسى سالالارىنىڭ 2009 جىلعى قاڭتار-جەلتوقسانداعى دامۋى ۇدەرىستەرى نەگىزىندە ناقتىلانعان. ناتيجەسىندە 2010 جىلعا ارنالعان رەسپۋبليكالىق بيۋدجەت كىرىستەرىنىڭ (ترانسفەردتتەر تۇسىمدەرىن ەسەپكە الماعاندا) ناقتىلانعان بولجامى 1 ترلن. 837,5 ملرد. تەڭگە سوماسىندا ايقىندالىپ، بۇل بەكىتىلگەن جوسپارعا قاراعاندا 103,0 ملرد. تەڭگەگە ۇلعايدى. رەسپۋبليكالىق بيۋدجەت كىرىستەرى اعىمداعى جىلدان باستاپ كەدەن وداعى اۋماعىندا قولدانىلاتىن بىرىڭعاي كەدەندىك ءتاريفتىڭ ەنگىزىلۋىنە جانە يمپورت كولەمىنىڭ ۇلعايۋىنا بايلانىستى 61,3 ملرد. تەڭگەگە، نەگىزگى مينەرالدىق شيكىزاتقا الەمدىك باعانىڭ 20 پايىزعا ۇلعايۋى ەسەبىنەن تۇسەتىن تۇسىمدەر بويىنشا 22 ملرد. تەڭگەگە ۇلعايادى. سونىمەن بىرگە بيۋدجەت جوباسىندا الەمدىك تاۋار نارىعىنداعى وڭ باعا سەرپىنىن ەسكەرە وتىرىپ، مۇنايدىڭ الەمدىك باعاسىنىڭ بولجامى باررەلىنە 50-دەن 65 دوللارعا دەيىن ۇلعايتىلادى. مۇنداي ەسەپتەر قازاقستاننىڭ باسقا دا ەكسپورتتىق ۇستانىمدارى بويىنشا كەلتىرىلگەن.

2010 جىلى ەكونوميكانىڭ ءوسىمى 2,2 پايىز دەڭگەيىندە بولجانادى. ال ينفلياتسيا دەڭگەيى 6-8 پايىزدىق ءدالىز اراسىندا باعالانىپ وتىر. جالپى العاندا ناقتىلانعان بيۋدجەت پارامەترلەرىنە سايكەس تۇسىمدەر 3 ترلن. 279,4 ملرد. تەڭگەنى قۇرايدى. بۇل قولدانىستاعى بيۋدجەتكە قاراعاندا 189,4 ملرد. تەڭگەگە ۇلعايعان. شىعىستار 4 ترلن. 182 ملرد. تەڭگەنى قۇرايدى. بۇل كورسەتكىش تۇزەتىلگەن بيۋدجەتكە قاراعاندا 240 ملرد. تەڭگەگە ارتىق. ال بيۋدجەت تاپشىلىعى 803,6 ملرد. تەڭگەنى قۇراپ، جالپى ىشكى ونىمگە شاققاندا 4,6 پايىزعا تەڭ بولادى.
پارلامەنت ءماجىلىسى ماقۇلداعان زاڭ جوباسى سەناتقا جىبەرىلەدى.

سونىمەن بىرگە، قر پارلامەنتى ءماجىلىسىنىڭ جالپى وتىرىسىنا ۇكىمەت باسشىسى كارىم ءماسىموۆ قاتىسىپ ءسوز سويلەپ، "الەۋمەتتىك نىساندار قۇرىلىسىنىڭ قىمباتتاۋىنا جول بەرىلمەۋى ءتيىس،"- دەدى. «دەنساۋلىق ساقتاۋ، ءبىلىم بەرۋ جانە بالا باقشالاردى سالۋ سەكىلدى الەۋمەتتىك نىسانداردىڭ قۇرىلىسى قىمباتتاماۋى كەرەك. ءبىز الەۋمەتتىك نىساندار سالۋعا قاتىستى تۇبەگەيلى وزگەرىستەر جاسايتىن بولامىز. اتاپ ايتقاندا، وڭىرلەردەگى ناقتى جەرگىلىكتى اتقارۋشى ورگاندار الەۋمەتتىك نىساندار قۇرىلىسىنىڭ قىمباتتاۋىنا جول بەرمەۋى ءتيىس. بۇل ءۇشىن وسىنداي نىسانداردىڭ بارلىعىن جەرگىلىكتى بيۋدجەتتەن قوسىمشا قارجىلاندىرۋ قاجەت»، دەدى ك. ءماسىموۆ.

سونداي-اق ۇكىمەت بيىل «بىرنەشە ناقتى ءىس-شارالاردى جۇزەگە اسىرۋدى جوسپارلاپ وتىر. ول ەڭ الدىمەن ەلدى يندۋستريالاندىرۋمەن بايلانىستى. ەكىنشىدەن، الداعى 2-3 جىلدا ۇكىمەت دەنساۋلىق ساقتاۋ، ءبىلىم جانە ءتىل ماسەلەلەرىنە بايلانىستى باعدارلامالاردى دايىنداۋدا. «بۇل قۇجاتتاردى ءبىز دەپۋتاتتارمەن بىرلەسىپ تالقىلايمىز، دەدى پرەمەر-مينيستر كارىم ءماسىموۆ.
وتىرىستا پارلامەنت دەپۋتاتتارىنا العىسىن بىلدىرگەن پرەمەر-مينيستر: «سىزدەردىڭ ۇكىمەتكە كورسەتكەن قولداۋلارىڭىز وتە ماڭىزدى دەپ بىلەمىن. سىزدەر ءبىزدى الەمدى جايلاعان قارجى داعدارىسى سياقتى كۇردەلى كەزەڭدەردە دە دەمەپ وتىردىڭىزدار.
قازىر ءبىز مەملەكەت باسشىسىنىڭ تاپسىرماسىمەن وسى داعدارىستان شىعۋ جولدارىن ىزدەستىرۋدەمىز جانە بۇل باعىتتاعى جۇمىستاردىڭ العاشقى ناتيجەلەرى جامان ەمەس. بۇل سىزدەرمەن بىرلەسكەن ەڭبەكتىڭ جەمىسى»، دەپ اتاپ ءوتتى ك. ءماسىموۆ.

قازاقپارات