ولار - تۇتاس ءبىر ۇرپاقتىڭ ءداۋىرىن قالىپتاستىردى. ولار - وزدەرىمەن تۇستاس بۋىننىڭ بويىنداعى بۋىرقانعان كۇشتى، قۇرىشقانات قۇلشىنىستى، جاسامپازدىقتى ايگىلى ەتتى. ولار - وتارشىلدىق ساياساتتىڭ قۇرساۋىنان ساڭلاۋ تاۋىپ قازاقتىڭ ازاتتىققا دەگەن اڭسارىن انمەن جەتكىزدى. اۋىلداعى اڭعال بوزبالادان، قالاداعى اۋسار بوزىمبايعا دەيىن ولارعا ەلىكتەپ باقتى. ولار دەپ وتىرعانىمىز داڭقتى - دوس مۇقاسان ءانسامبلى.

ولار - تۇتاس ءبىر ۇرپاقتىڭ ءداۋىرىن قالىپتاستىردى. ولار - وزدەرىمەن تۇستاس بۋىننىڭ بويىنداعى بۋىرقانعان كۇشتى، قۇرىشقانات قۇلشىنىستى، جاسامپازدىقتى ايگىلى ەتتى. ولار - وتارشىلدىق ساياساتتىڭ قۇرساۋىنان ساڭلاۋ تاۋىپ قازاقتىڭ ازاتتىققا دەگەن اڭسارىن انمەن جەتكىزدى. اۋىلداعى اڭعال بوزبالادان، قالاداعى اۋسار بوزىمبايعا دەيىن ولارعا ەلىكتەپ باقتى. ولار دەپ وتىرعانىمىز داڭقتى - دوس مۇقاسان ءانسامبلى.

دوس مۇقاسان توبىنىڭ ءانشىسى باقىت ءجۇمادىلوۆتىڭ تاياۋدا جولكولىك اپاتىنا ۇشىراپ قازا تاپقانى قابىرعامىزدى قايستىرىپ كەتتى. باقىتتىڭ قاسىندا دوسى دوسىم سۇلەەۆ (سۋرەتتە) بولعان ەكەن. دوسىم اۋىر حالدە اۋرۋحاناعا تۇسكەن-ءدى. سول حاباردى ەستىگەلى الاڭداۋلىمىز. الايدا، بىزدەن باسقا جۇرت بۇل جايتقا ەلەڭ ەتپەيتىن سياقتى. رەسەيدىڭ ءبىر ونەرپازى باقيعا اتتانسا نەمەسە توسەك تارتىپ اۋرا  قالسا، الگىنىڭ قال-جاعدايىن كۇندە جۇرتقا جاريا ەتىپ، اماندىعىن قۇدايىنان سۇراپ جالبارىناتىن ەلىمىزدەگى ءورىستىلدى ءباسپاسوز ءتىپتى جايبىراقات. ءجا، ول ەندى باسقا اڭگىمە. دوسىم سۇلەەۆ قازىر نە قالدە؟ ەسىن جيدى ما؟ قاشان شىعادى؟ دوسەكەڭ بۇگىندە قانداي قىزمەتتە؟ وسى ساۋلداردى دوس مۇقاسان ءانسامبلىنىڭ جەتەكشىسى مۇرات قۇسايىنوۆقا قويعان بولاتىنبىز. مۇكەڭ بىزگە الدىمەن كەيىپ الدى. كەيتىندەي ءجونى دە بار ەكەن. ويتكەنى، كتك ارناسى «مۇرات قۇسايىنوۆ باقىت جۇمادىلوۆپەن بىرگە قورداي اسۋىنان قۇلاپ، اۋىر قالدە اۋرۋحانادا جاتىر» دەپ حابار تاراتىپ جىبەرىپتى. «قازاق جۋرناليستەرى، سەندەر الدەكىمدەر سەكىلدى  جەڭىل جەلپىگە اۋەيىلەنبەسەڭدەرشى» دەپ ەسكەرتۋ جاساپ العان مۇكەڭ بىلاي دەدى:

-  مەن دوس مۇقاسان گرۋپپاسىنىڭ جتەكشىسى - مۇرات قۇسايىنوۆپىن. مەنىڭ ايتقانىمنىڭ ءبارى شىندىق. بىلاي جازىڭدار وندا. دوسىم سۇلەەۆتىڭ جاعدايى جاقسى. جازىلىپ كەلە جاتىر. دەنساۋلىعىنا زاقىم كەلگەن. قابىرعالارى سىنعان. بىراق ومىرىنە قاۋىپتى ەمەس. باقىت ءجۇمادىلوۆتىڭ قازاسى تۋرالى بىلەدى. ەستىدى. ونى قازبالاي بەرەتىن نە بار؟.. ەكەۋى بىرگە بولعان, بىلەسىزدەر. باقىتتىڭ قايتىس بولعانىن دا ەستىرتتىك. الدىندا بىلمەگەن. سوسىن ەستىدى.

دارىگەرلەر ءبىر ەكى كۇندە ورنىنان تۇرۋعا رۇقسات بەرەدى دوسىمعا.

مەنەن دە زۆونداپ سۇرايتىندار كوپ قازىر «بىرگە بولدىڭىز با؟» دەپ. مەن بولعان جوقپىن. كتك مەنىڭ سۋرەتىمدى كورسەتىپ، مەنى حال ۇستىندە جاتىر دەپتى. ەندى سوتقا بەرمەكپىن ولاردى. ولاي بولمايدى عوي. شارشاتتى. دوسىم اعاڭىز قازىر ساتباەۆ ۋنيۆەرسيتەتىنىڭ پوچەتنىي رەكتور دەگەن ستاتۋسىن الدى. تىكەلەي باسقارماعانىمەن، اقىلشى كەڭەسشى رەتىندە. نەگىزىنەن قوعامدىق مادەني جۇمىستارمەن اينالىسادى. كابينەتى، جۇمىس كولىگى، جالاقىسى بار. ارى قاراي جاستاردى تاربيەلەۋمەن اينالىسۋدا.

دوسىمعا بۇگىن عانا ءبىزدىڭ جىگىتتەر كىرىپ شىعىپتى. مەن ول كىسىنى كەشە كورگەنمىن. ءبارى جاقسى. دوسىمدى «جان ساقتاۋ بولىمىندە ەسسىز جاتىر» دەگەن ءسوز جاڭساق ءسوز. قاۋەسەت. تاماق جەيدى. قاي بولنيتسيادا ەكەنىن ايتپاي-اق قويايىن. جۋرناليستەر مازا بەرمەيدى. ورتالىق اۋرۋحانالاردىڭ بىرىندە. تاياۋدا شىعادى. قاتارىمىزعا قوسىلادى.

«اباي-اقپارات»