الماتى وبلىسىنىڭ اقسۋ اۋدانىنا قاراستى قىزىلاعاش اۋىلىن تاسقىن الدى. 13-ناۋىرىزعا دەيىنگى  رەسمي اقپاراتقا سەنسەك سۋعا كەتكەن ادامداردىڭ سانى  30. الايدا قىزىلاعاشتىقتار جۋرناليستەرگە وپات بولعانداردىڭ قاراسى 200-گە تاياۋ دەپ وتىر. تاپ وسى قازىر ولار تالدىقورعان قالاسىنداعى ورتالىق الاڭدا ەرەۋىلگە شىقتى. وبلىستىق اكىمشىلىك تابيعات اپاتىنان زارداپ شەككەندەرگە 10 مىڭ تەڭگە كولەمىندە جاردەماقى بەرەمىز، سۋعا كەتىپ كوز جۇمعان مارقۇمداردى جەرلەيمىز دەپ ۋادە ەتىپ جاتقان كورىنەدى.

وقيعا بارىسىنان ءبىزدىڭ تىلشىلەرىمىز تومەندەگىدەي جەدەل اقپارات بەرىپ ۇلگەردى.

قىزىلاعاش اۋىلىنىڭ ۇشتەن ەكىسى جوق. سيىمدىلىعى 42 ملن. تەكشەمەترلىك  «قىزىلاعاش» سۋ قويماسى 12-ناۋرىز كۇنى تۇنگى ساعات ەكىدەن كەتە اعىتىلىپ شىعىپ، اۋىلدىڭ وزەن ارناسى جاعىنداعى ۇيلەردى ىرگەتاسىمەن قوسا سىپىرىپ اعىزىپ اكەتكەن. الاپات تاسقىنمەن  بىرگە بوگەتتىڭ ۇلكەن-ۇلكەن بلوكتارى، تەمىرلەرى، الىپ مۇزدار مەن تاستار  اعىپ كەلىپ، جولىنداعىسىن جىلان جالاعانداي ەتكەن.

جۇرتتىڭ ايتۋىنشا، اقپاننىڭ سوڭىنا تامان «كۇرتى» سۋ قويماسى تاسيدى دەگەندە اقشي اۋىلى تۇتاس كوشىرىلسە، قىزىلاعاشتىقتارعا اپات بولار كۇنى تۇسكە تامان سۋ قويماسىن قارايتىن «شىنار» جشس باسشىلارى اۋىزشا ەسكەرتكەنى بولماسا، اكىمدىكتەگىلەر، اۋدانداعى جانە وبلىستاعى توتەنشە جاعدايلار جونىندەگى قىزمەتتىڭ ادامدارى  اپاتتىڭ الدىن الۋ شارالارىن قولدانباعان.   

الماتى وبلىسىنىڭ اقسۋ اۋدانىنا قاراستى قىزىلاعاش اۋىلىن تاسقىن الدى. 13-ناۋىرىزعا دەيىنگى  رەسمي اقپاراتقا سەنسەك سۋعا كەتكەن ادامداردىڭ سانى  30. الايدا قىزىلاعاشتىقتار جۋرناليستەرگە وپات بولعانداردىڭ قاراسى 200-گە تاياۋ دەپ وتىر. تاپ وسى قازىر ولار تالدىقورعان قالاسىنداعى ورتالىق الاڭدا ەرەۋىلگە شىقتى. وبلىستىق اكىمشىلىك تابيعات اپاتىنان زارداپ شەككەندەرگە 10 مىڭ تەڭگە كولەمىندە جاردەماقى بەرەمىز، سۋعا كەتىپ كوز جۇمعان مارقۇمداردى جەرلەيمىز دەپ ۋادە ەتىپ جاتقان كورىنەدى.

وقيعا بارىسىنان ءبىزدىڭ تىلشىلەرىمىز تومەندەگىدەي جەدەل اقپارات بەرىپ ۇلگەردى.

قىزىلاعاش اۋىلىنىڭ ۇشتەن ەكىسى جوق. سيىمدىلىعى 42 ملن. تەكشەمەترلىك  «قىزىلاعاش» سۋ قويماسى 12-ناۋرىز كۇنى تۇنگى ساعات ەكىدەن كەتە اعىتىلىپ شىعىپ، اۋىلدىڭ وزەن ارناسى جاعىنداعى ۇيلەردى ىرگەتاسىمەن قوسا سىپىرىپ اعىزىپ اكەتكەن. الاپات تاسقىنمەن  بىرگە بوگەتتىڭ ۇلكەن-ۇلكەن بلوكتارى، تەمىرلەرى، الىپ مۇزدار مەن تاستار  اعىپ كەلىپ، جولىنداعىسىن جىلان جالاعانداي ەتكەن.

جۇرتتىڭ ايتۋىنشا، اقپاننىڭ سوڭىنا تامان «كۇرتى» سۋ قويماسى تاسيدى دەگەندە اقشي اۋىلى تۇتاس كوشىرىلسە، قىزىلاعاشتىقتارعا اپات بولار كۇنى تۇسكە تامان سۋ قويماسىن قارايتىن «شىنار» جشس باسشىلارى اۋىزشا ەسكەرتكەنى بولماسا، اكىمدىكتەگىلەر، اۋدانداعى جانە وبلىستاعى توتەنشە جاعدايلار جونىندەگى قىزمەتتىڭ ادامدارى  اپاتتىڭ الدىن الۋ شارالارىن قولدانباعان.   

اۋىلدىڭ باسىم بولىگىن تاسقىن جۇتقان، مال تۇگەلىمەن سۋعا كەتكەن. الماتى  وسكەمەن كۇرە جولىنداعى كوپىر دە قۇلاعان.

كەشە كەشكىسىن استانادان ۇشىپ كەلىپ، قىزىلاعاشتىڭ  قالدىعىن كورگەن ۇكىمەت باسشىسى باستاعان مەملەكەتتىك كوميسسيا مۇشەلەرى تالدىقورعانداعى «الاتاۋ» قوناقۇيىنە ورنالاسقان قىزىلاعاشتىقتارعا جولىققاندا، جۇرتشىلىق ولاردى جەپ قويا جازدادى. قاندارى قارايعان اۋىل تۇرعىندارى: «بۇل اپات نەگە ۋاقىتىندا ەسكەرتىلمەدى؟ كوشىرۋ نەگە كەشىكتى؟ باق نەگە وتىرىك اقپارات تاراتىپ جاتىر؟»  دەپ مۇرتى جىلتىراعان ماسىموۆتەن باستاپ استانادان كەلگە اق جاعالىلاردى جان القىمنان الدى.

زارداپ شەككەندەر اۋىلدىڭ ۇشتەن ەكىسى جوقتىعىن، كەمى 200-گە جۋىق ادامنىڭ سۋعا كەتكەنىن قاباعى قاتۋلى، ءوڭى ىزبارلى باسشىلار اتتانىسىمەن  قىزىلاعاشتىقتار قاستارىندا قالعان جۋرناليستەرگە جايىپ سالدى. جالپى ءۇش مىڭعا جۋىق ادام تۇراتىن، 465 ءۇي بولعان ۇلكەن اۋىلدىڭ بۇگىنگى جاعدايى جان شوشىرلىق.

پرەمەر-مينيستر مەن توتەنشە جاعدايلار جونىندەگى مينيستر قوناقۇيدە ءباسپاسوز ءماسليحاتىن وتكىزگەندە جارىتىپ ەشتەڭە ايتپادى. زارداپ شەككەندەرگە پسيحولوگيالىق جانە ماتەريالدىق كومەك كورسەتىلسىن، اپاتتىڭ سەبەبى مۇقيات تەكسەرىلىپ، كىنالىلەر انىقتالسىن دەۋمەن عانا  شەكتەلدى. ۇمبەتوۆ تىپتەن ۇندەگەن جوق. سوعان قاراعاندا، كۇرتى وڭىرىنە اپات ءتونىپ تۇرعاندا شەت ەلدەگى دەمالىسىنان ارەڭ جەتكەن ول ءالى راحات قالدەن ارىلا قويماعانعا ۇقسايدى .  
قاراتال اۋدانىنداعى جىلىبۇلاق اۋىلى، اقسۋداعى كولتابان مەن ەگىنسۋ دا سۋ استىندا قالدى. ولاردىڭ دا تۇرعىندارىن تۇگەلىمەن كوشىرىپ، توڭىرەگىندەگى  اۋىلدارعا، تالدىقورعانداعى قوناقۇيلەرگە، اسكەري بولىمدەرگە، جاتاقحانالارعا ورنالاستىرىپ جاتىر. ادام سيماي كەتكەندىكتەن قالالىق اكىمشىلىك ءۇيىن پانالاپ وتىرعاندار دا بار.  

جالپى الماتى وبلىسىنداعى سۋ قويمالارى مەن بوگەتتەرىنىڭ جاعدايى تۋرالى 3 ناۋرىزدا وبلىستىق اكىمدىكتە جيىن وتكەندە اۋدان اكىمدەرىنىڭ ورىنباسارلارى مەن سۋ شارۋاشىلىعى، توتەنشە جاعدايلار جونىندەگى قىزمەتتىڭ ادامدارى بارلىعى كەرەمەت دەگەن ەدى. سولاردىڭ اراسىندا بولعان اقسۋلىق اتقامىنەرلەر تىپتەن «سۋ قويمالارىندا سۋ مۇلدە از، جازدا تاپشىلىق كورەمىز» دەگەن  بولاتىن. تەك بىرنەشە ادام عانا دابىل قاعىپ، تامىر-تانىستىقتىڭ ارقاسىندا سۋ قويمالارى كىم كورىنگەنگە بەرىلىپ كەتكەندىگى، گيدروتەحنيكتىك قىزمەتتى مال دارىگەرى، اگرونوم، زوتتەحنيك جانە تاعى باسقالادىڭ اتقارىپ جۇرگەنىن، ولاردىڭ قويما شارۋاشىلىعىنىڭ جاي-كۇيىن جەتە بىلمەيتىنىن ايتقان ەدى.  

«اباي-اقپارات»

سۋرەتتەردە: الماتى-وسكەمەن كۇرە جولىنداعى كوپىر قۇلاپ، جول قوزعالىسى تولىق توقتاپ قالدى.

قاراعان تال مەن شيلەردىڭ  تۇبىنەن مايىتتەر تابىلىپ جاتىر.

ءماسىموۆ باستاعان ۇكىمەتتىك كوميسسيا اپاتتىڭ الدىن الىپ قيمىلداماعان ادامدار جاۋاپقا تارتىلسىن دەدى.

P.S. اپاتقا قاتىستى سوڭعى مالىمەتتەر، ادام شىعىنى، اكىمشىلىكتىڭ ءىس-قيمىلى، كۋاگەرلەردىڭ ءسوزى، ت.ب. «اباي-اقپاراتتىڭ فورۋمىندا» جاريالانىپ وتىرادى.