استانا. 21 ناۋرىز. قازتاگ – بۇرقاسىن مەن ەكپىندەپ سوققان جەلدەن جول كورىنۋ قاشىقتىعىنىڭ جوقتىعىنا بايلانىستى 21-ءشى ناۋرىزداعى تاڭعى 9-دان باستاپ اقتوبە، الماتى جانە شىعىس قازاقستان وبلىستارىنداعى جولداردا اۆتوكولىك قاتىناسىنا شەكتەۋ قويىلدى، دەپ حابارلادى كولىك جانە كوممۋنيكاتسيا مينيسترلىگىنىڭ ءباسپاسوز قىزمەتى.

اقتوبە وبلىسىندا سامارا – شىمكەنت اۆتوجولىنىڭ حرومتاۋ – قارابۇتاق (836-965 كم) ۋچاسكەسى مەن قارابۇتاق – قوستاناي (0-231 كم) ۋچاسكەلەرىندە قوزعالىس شەكتەۋلى.

الماتى وبلىسىندا الماتى – وسكەمەن تاس جولىنىڭ ءۇشارال – شىعىس قازاقستان وبلىسىنىڭ شەكاراسى (558-615 كم); الماتى – وسكەمەن تاس جولىنداعى (319-382 كم) قىزىل-اعاش پەن بيەن اۋلىنداعى كوپىرلەردىڭ بۇزىلۋىنا بايلانىستى كولىكتىڭ بارلىق تۇرلەرىنە جول جابىق; ءۇشارال – دوستىق اۆتوجولىنىڭ توپىراق توسەنىشىن سۋ شايۋىنا بايلانىستى بۇل جول دا كولىكتىڭ بارلىق تۇرلەرىنە جابىق.

«شەكتەۋلى ۋچاسكەلەردە «قازاۆتوجول» رمك-ءنىڭ 34 تەحنيكاسى جۇمىس ىستەۋدە»، - دەپ حابارلايدى كولىك مينيسترلىگى. 

استانا. 21 ناۋرىز. قازتاگ – بۇرقاسىن مەن ەكپىندەپ سوققان جەلدەن جول كورىنۋ قاشىقتىعىنىڭ جوقتىعىنا بايلانىستى 21-ءشى ناۋرىزداعى تاڭعى 9-دان باستاپ اقتوبە، الماتى جانە شىعىس قازاقستان وبلىستارىنداعى جولداردا اۆتوكولىك قاتىناسىنا شەكتەۋ قويىلدى، دەپ حابارلادى كولىك جانە كوممۋنيكاتسيا مينيسترلىگىنىڭ ءباسپاسوز قىزمەتى.

اقتوبە وبلىسىندا سامارا – شىمكەنت اۆتوجولىنىڭ حرومتاۋ – قارابۇتاق (836-965 كم) ۋچاسكەسى مەن قارابۇتاق – قوستاناي (0-231 كم) ۋچاسكەلەرىندە قوزعالىس شەكتەۋلى.

الماتى وبلىسىندا الماتى – وسكەمەن تاس جولىنىڭ ءۇشارال – شىعىس قازاقستان وبلىسىنىڭ شەكاراسى (558-615 كم); الماتى – وسكەمەن تاس جولىنداعى (319-382 كم) قىزىل-اعاش پەن بيەن اۋلىنداعى كوپىرلەردىڭ بۇزىلۋىنا بايلانىستى كولىكتىڭ بارلىق تۇرلەرىنە جول جابىق; ءۇشارال – دوستىق اۆتوجولىنىڭ توپىراق توسەنىشىن سۋ شايۋىنا بايلانىستى بۇل جول دا كولىكتىڭ بارلىق تۇرلەرىنە جابىق.

«شەكتەۋلى ۋچاسكەلەردە «قازاۆتوجول» رمك-ءنىڭ 34 تەحنيكاسى جۇمىس ىستەۋدە»، - دەپ حابارلايدى كولىك مينيسترلىگى. 

شىعىس قازاقستان وبلىسىندا ومبى-مايقاپشاعاي اۆتوجولىنىڭ قالباتاۋ – زايسان (910-1256 كم), قالجىر – تەرەكتى (22-125 كم) ۋچاسكەلەرىندە; قاراعاندى –اياگوز – بۇعاز اۆتوجولىنىڭ قاراعاندى وبلىسىنىڭ شەكاراسى – اقسۋات (320-900 كم، ونىڭ ىشىندە 852-ءشى شاقىرىمىنداعى كوپىردى قوسا العاندا); تاسكەسكەن – باحتى (0-187 كم); الماتى-وسكەمەن اۆتوجولىنىڭ الماتى وبلىسىنىڭ شەكاراسى – ۇلان (615-1054 كم); وسكەمەن – زىريانوۆسك اۆتوجولىنىڭ ۋچاسكەلەرىندە (0-166) كولىك قوزعالىسىنا شەكتەۋ قويىلعان.

جولدىڭ اتالعان ۋچاسكەلەرىندە 75 تەحنيكا جۇمىلدىرىلعان، دەپ حابارلايدى ءباسپاسوز قىزمەتى. 

«گيدرومەتەورولوگيالىق ورتالىق مونيتورينگىنىڭ مالىمەتتەرىنشە 21-24-ءشى ناۋرىزدا ەلىمىزدىڭ بارلىق سولتۇستىك، ورتالىق جانە شىعىس وبلىستارىندا بۇرقاسىنداتىپ، جەلدىڭ جىلدامدىعى 25 م/س بولادى. وڭتۇستىك جانە باتىس وبلىستارىندا دا كۇندىز كۇشتى جەل سوعىپ، تۇندە تۇمان تۇسەدى. وسى سەبەپتى، توتەنشە جاعدايلارعا ۇرىنىپ قالماۋ ءۇشىن، اۋا رايى جاقسارعانشا جاقىن كۇندەرى جولعا شىقپاۋلارىڭىزدى وتىنەمىز جانە قازاقستان گيدرومەتەورولوگيالىق قىزمەتىنىڭ حابارلارىنا نازار سالىڭىزدار!»، - دەپ كولىك مينيسترلىگ رەسپۋبليكا تۇرعىندارىن ەسكەرتەدى.